Trygve Rønningen gjer comeback i kanalen han var med å bygge opp i 1991. Administrerande direktør og sjefredaktør Olav T. Sandnes seier til Kampanje at han gler seg over comebacket:
– Eg er glad for at Trygve, ein av pionerane i TV 2, vender tilbake til kanalen. Eg venter meg mykje av tilbakekomsten hans.
Lang fartstid
Rønningen starta karrieren i TV 2 i 1991, og var både prosjektleiar, programleiar, underhaldningssjef og program- og planleggingssjef før han forlot kanalen i 2000.
Etter det har han vore programdirektør i P4 og MTG, dagleg leiar i produksjonsselskapet Mastiff, administrerande direktør og sjefredaktør i P4, før han blei adminstrerande direktør for MTG i Norge i 2015.
– Eg gler meg til å ta fatt på oppgåvene i TV 2, saman med tidlegare og nye kollegaer. Alle veit at bransjen vår står framfor store utfordringar. I jobben som kanaldirektør i TV 2 får eg moglegheiten til å kome enda nærare tv-produktet og utforminga av tv-kanalane, seier Rønningen i ei pressemelding.
- Les også: TV2 mister flere kjente frontfigurer
Det er ikkje avklart når han startar i TV 2, men Kvernstrøm sluttar ved nyttår.
Ville ha nye utfordringar
Kvernstrøm skal allereie før sommaren ha signalisert at han ønska seg nye utfordringar utandfor TV 2. Men han ønsker ikkje å kommentere overfor Kampanje kva han skal gjere no:
– Eg har hatt tre lærerike år i TV 2, og har fått oppleve eit fantastisk tv-hus frå innsida. Trygve Rønningen har tyngda og erfaringen som trengs for å bidra til den vidare utviklinga av TV2. Eg er sikker på at han er rett mann for denne jobben.
Kvernstrøm har vore både kanal- og programsjef i TV 2. Med Rønningen på plass som kanalsjef, startar arbeidet no å finne erstattaren som programsjef i kanalen.