NRK Meny

Kulturstrøm

  • Flyttar Manson-film

    Quentin Tarantino sin film om sektleiaren Charles Manson skapar debatt allereie før han er ferdig. Opphavleg skulle filmen med namnet «Once Upon A Time in Hollywood» ha premiere på 50-årsdagen for drapet på skodespelarinna Sharon Tate, 9. august 2019. No har premieredatoen blitt flytta, ifølgje The Hollywood Reporter. Leonardo DiCaprio og Brad Pitt har hovudrollene i storfilmen. Filmselskapet hevdar at flyttinga av premieren ikkje har noko med 50-årsmarkeringa å gjere. Manson og hans tilhengjarar stod bak fleire brutale drap i 1969. Charles Manson døydde i 2017.

    FRANCE-ENTERTAINMENT-MOVIE-BODY OF LIES FRANCE-ENTERTAINMENT-MOVIE-BODY OF LIES
    Foto: BORIS HORVAT / AFP
  • Clinton toppar boklista i USA

    Tidlegare president Bill Clinton toppar den amerikanske boklista med thrillaren «Presidenten er savnet», melder Bok365. Clinton har skrive fiksjonsboka saman med den kjente forfattaren James Patterson. Førebels er boka seld i ein halv million eksemplar. Ho kjem snart på norsk ved Gyldendal forlag.

    Bill Clinton
    Foto: Bebeto Matthews / AP