Kronprinsesse Mette-Marit vil ha mindre merksemd rundt sonen Marius. Men nå er det motsette i ferd med å skje.
I høve sonen Marius sin 20 års dag publiserte kronprinsessa i går eit brev på Kongehusets heimesider, der ho ber media la sonen hennar vere i fred.
– Dei siste par åra har vore prega av ei utvikling eg som mor sjølvsagt gjerne skulle vore utan. Marius har vore utsett for eit press frå delar av norsk presse, eg meiner ikkje er dei verdig, skriv kronprinsesse Mette-Marit i brevet.
Oppmodinga frå Norges komande dronninga blir nå plukka opp av ei rekke utanlandske medium, blant anna Washington Post.
Kronprinsesse Mette-Marit har fått mykje merksemd i utlandet tidlegare, spesielt i Tyskland. Heilt frå Mette-Marit blei offentleg kjent har Tyskland vore svært opptatt av den norske kronprinsessa.
I 2003 gjekk Slottet ut og refsa tysk presse etter at den ved fleire høve hadde publisert sensasjonsoppslag om kronprinsesse Mette-Marit utan at det hadde rot i verkelegheita.