Anna forstår ikkje korleis Rakel kan ha gløymt sin jødiske arv. Og Rakel er lei alt gnålet om gamle dagar, ho synest det er betre å halde seg borte. Går det an å forstå kva som har gjort dei to systrene så ulike? Bakgrunnen deira er lik, dei vaks opp som born av ortodokse jødar som kom hit til landet frå Litauen i 1905. Først budde dei i Oslo, men etter kvart som familien vart større, fekk dei behov for meir plass. Faren var skomakar og tok med seg verkstaden, kone og barn til Ås, der dei til slutt vart ni søsken.
I denne dokumentaren møter programskaparen si eiga historie og sin eigen identitet. Rakel er mormora hans, og etter jødisk lov er han difor jøde. Men sidan han har vakse opp i den norske delen av slekta, har det vorte mykje kotelettar og lite kosher (jødisk mat). Etter kvart har han vorte meir og meir nysgjerrig på den jødiske delen av opphavet sitt, og dette programmet er ein del av den leitinga. Målet var også å prøve å forstå noko av det som skjer i dagens innvandrarmiljø, når ein veks opp med eit bein i den norske kulturen og eit bein i foreldra sin kultur. Kva skjer i ein familie når nokon vel å "bli norsk" i forhold til dei som held på tradisjonane frå heimlandet?
På familliebildet frå venstre: Cecilie, Benjamin, Filip, Leopold, Tina Tamara, Ida, mormor Rakel, Hermann, Anna og Georg. Bildet er tatt av det 9. barnet i familien, Samuel, på midten av 1930-tallet.
Kosher og kotelettar
Ein radiodokumentar om å leve med ein jødisk arv.
Av Rune Bjåstad.
Eli Kyrkjebø.
Konsulent: Gyrid Listuen.
Sendes i NRK P2 lørdag 24. desember kl 10.15,
reprise søndag 25. desember kl 19.30.
Første gang sendt i mars i 2000.
