Etter å ha framført to av sine «vanlege» nummer under konserten tirsdag på dei medbrakte perkusjonsinstrumenta, tok SISU i bruk inventaret då dei spelte låt nummer tre, Friendship Remix.
– Vi gjekk gjennom lokalet på førehand og fann dei gjenstandane som laga best lyd, sa Tomas Nilsson etterpå.
– Fin lyd frå saksene
Bjørn Skansen i SISU spelar saks.
Foto: Bill Roger Gystad / NRKSaman med dei to andre slagverkarane i gruppa, Bjørn Skansen og Marius Søbye, tromma Nilsson laus på hyller og pultar i MICs kontorlokale.
– Reknemaskinen var nok den største overraskinga, den læt flott når den reknar saman tala. Det vart dessutan fin lyd då vi klipte med saksene, og då vi reiv papirark frå søppeldunken.
Spelte ballong på Sri Lankas Idol-show
Ensemblet har vore på fleire internasjonale turnear, og under ein skuleturné på Sri Lanka i 2010 stilte dei som pauseinnslag under den lokale utgåva av Idol – Shakti Super Star. Rolf Wallins stykke Scratch vart framført med tre ballongar – og knivar.
Les:
Sjå innslaget frå Shakti Super Star her:
BigBang og Sundfør på veg til kontoret
Kontorkonsertane er eit samarbeid mellom NRK og MIC Norsk Musikkinformasjon, og SISU-konserten fann stad i MICs lokaler i Oslo.
Den neste kontorkonserten finn stad i Fredrikstad 12. april, der BigBang skal spele hos datafirmaet Prediktor. Susanne Sundfør skal spele på eit kontor i Oslo 26. april.
Sjå:
Sjå:
Sjå:
Sjå:
