Knut Reiersrud var i sentrum for den 20. kontorkonserten i rekkja tysdag ettermiddag. Mange interesserte melde seg då det vart kjent at Preus museum i Horten vart plukka ut som vinnarar.
, ogSjå: Kontorkonsertar med Katzenjammer, Odd Nordstoga med fleire
– Ein av Noregs første landskapsfotografar
Det er berre eit halvt år sidan sist Reiersrud var i museet – den gongen var han der i lag med mora si.
– Den gongen kom eg på grunn av hennar bestefar og min oldefar – ein av dei første landskapsfotografane i Noreg, fortalde Knut Reiersrud under konserten.
Marthinius Skøien hadde i si tid eit stort utstillingsvindu på Karl Johan for sine bilete, som var beregna på turistar.
– Her kjem ein hyllest – til oldefar, sa gitaristen før han gjekk vidare i konserten.
Ga ut album med blueslegende
Gitaristen, songaren og komponisten Knut Reiersrud (f. 1961) har gjennom karrieren samarbeida med eit breitt spekter av artistar frå mange land, men er først og fremst kjend som bluesmusikar.
Samarbeidet med organisten Iver Kleive har nok fått aller mest merksemd. I 1991 ga dei ut si første plate i lag, «Blå Koral», som fekk Spellemannprisen. Saman med Kleive komponerte Reiersrud også musikk til opningsseremonien for OL på Lillehammer i 1994.
I 2011 ga Reiersrud ut albumet «One Drop Is Plenty» saman med den amerikanske rhythm & blues-vokalisten Mighty Sam McClain.