NRK Meny
Normal

Kongeleg Munch-opning i London

– Dette er eit bevis på at Munch også blir godtatt i den engelskspråklege verda, sa dronning Sonja på Tate Modern i dag.

Dronning Sonja på Munch

Dronning Sonja studerer Munch på Tate Modern i London.

Foto: Gry Blekastad Almås / NRK

London: Gry Blekastad Almås
Foto: NRK

I dag opnar den populære utstillinga «Det moderne øyet» i London, på eit av dei mest respekterte kunstmusea i verda, Tate Modern.

Dronning Sonja og representantar frå heile det offisielle Noreg var til stade på før- og pressevisninga, som gjekk føre seg i formiddag.

Pushwagner på Tate Modern

Hariton Pushwagner er blitt skildra som ein moderne Edvard Munch. Her studerer han meisteren sjølv på Tate Modern.

Foto: Gry Blekastad Almås / NRK

«Det moderne øyet» er så langt vist i Frankfurt og Paris, og fram til no har over 750.000 besøkt utstillinga. På Pompidou-senteret i Paris vart det ei av dei mest besøkte utstillingane nokon sinne, sidan opninga av senteret i 1977.

– Kva tenkjer Dronninga om eit britisk publikum under OL?

– Eg trur det blir veldig spanande, det er mange gjestar som kjem til London frå andre land. Det vil vere eit bevis på at Munch også blir godtatt her i den engelsktalande delen av verda. I Tyskland har det vore enklare å forstå Munch, mens her i dei engelsktalande landa har ein vore litt meir tilbakehalden, uttaler dronning Sonja til NRK.

LES: London er Munch-klar

(Artikkelen held fram under biletet)

Tate Modern

No kan du sjå Munch på Tate Modern.

Foto: Gry Blekastad Almås / NRK

– Håpar vi vil få eit perfekt museum

Pikene på broen

Pikene på broen er eitt av maleria som blir stilt ut på Tate Modern.

Foto: Gry Blekastad Almås / NRK

På spørsmål frå engelsk media om ho kan forklare viktigheita av Munch i Noreg, seier Majesteten:

– Eg skulle ønskje eg kunne. Eg trur at han er betre kjent internasjonalt, og betre forstått. Det er alltid slik med kunstnarar som står nær deg, ein ser kanskje ikkje kvalitetane før det er for seint, seier Dronninga.

– Eg håpar at vi vil få eit perfekt museum for han i løpet av nokre få år.

Som kjent går debatten framleis om eit nytt Munchmuseum i Noreg. I mellomtida reknar Munchmuseet med at over ein million menneske vil ha sett «Det moderne øyet», før den returnerer til Oslo.

LES: Europas kunstelite slår alarm

– Denne utstillinga viser ei ny side av Munch. Han brukte fotografi, han var interessert i teater og han oppdaga levande filmbilete, som han brukte nesten som skisser og maleri. Det er overraskande å sjå korleis han brukte dei moderne teknikkane som vaks fram på den tida. I 1902 kjøpte han sitt første kamera i Berlin og eksperimenterte heile tida, noko eg synest er fantastisk, seier dronning Sonja.

(Artikkelen held fram under biletet)

Munch på Tate Modern

Det var stor interesse for Munch-utstillinga på Tate Modern.

Foto: Gry Blekastad Almås / NRK

Pushwagner på Munch-utstilling

Også kunstnaren Pushwagner var til stade på Tate Modern i dag. Han debuterer sjølv med si første soloutstilling utanfor Noreg i Milton Keynes onsdag.

LES: Internasjonal Pushwagner-debut

Han har fleire gongar blitt samanlikna med meisteren sjølv, Edvard Munch.

– Eg har ikkje sett nok av Pushwagner, men han har noko veldig moderne i seg, det er klart, som teikneseriemetoden. Kanskje Munch også hadde nokon av dei same ideane på film, som han såg og nytta. Det er kanskje nokon likskapstrekk, meiner Dronninga.

Utstillinga blir å sjå på Tate Modern fram til 14. oktober. Deretter blir den vist på Munchmuseet frå 27. oktober.

Dronning Sonja

Dronning Sonja blir vist rundt på Tate Modern.

Foto: Gry Blekastad Almås / NRK

Kulturstrøm

  • Populær 50 år etter sin død

    Charlotte Wankel er gjenstand for mye interesse, 50 år etter sin død. Hvem var hun, en av våre mest fremtredende moderne kunstnere? Radiomagasinet Studio 2 er på saken.

    Visste du at Norge akkurat nå er dypt inne i en snøkrabbe-krig? EU og norske myndigheter er rykende uenige om hvem som skal få fiske snøkrabber på Svalbard og ikke minst hvor mye de skal fiske. Nå skjerper EU kravene etter instruks fra sin egen fiskerikomité. ** I sommer har Aftenposten avslørt en rekke tilfeller der eksamenssensorer i høyere utdanning har satt karakterer som fremstår som helt tilfeldige. Nå mener Extrastiftelsen at tildelingen av forskningsmidler også foregår på svært tilfeldige måter. ** Lenge har vi trodd at det kun var menn som reiste til Paris for å lære malerkunst av Henri Matisse. Nå viser det seg at også den kvinnelige kunstneren Charlotte Wankel var elev hos den franske mesteren. 50 år etter sin død er hun endelig i ferd med å få sin anerkjennelse. ** Turkmenistans president Gurbanguly Berdymukhamedov – bedre kjent som Arkadag har blant annet forbudt sorte biler, badetøy, neglelakk og hårfarge. Men hvem er han? ** Vi fortsetter vår serie om musikken som kanskje litt ufrivillig har blitt sommerhits. I dag handler det om ABBA-låta "Our Last Summer". ** Netflix-serien "Orange is the new black" handler om rikmannsdattera Piper Chapman som plutselig havner i fengsel og alle de rare menneskene hun møter innenfor murene. Nå er sjette sesong her og vi anmelder.
  • Fotball-VM ble radiosuksess

    Lytterne har strømmet til den digitale radiokanalen NRK Sport under fotball-VM.

    – Oppsiktsvekkende gode tall. Vi har vært helt oppe i 28 prosent markedsandel på den mest hørte kampen (kvartfinalen Russland–Kroatia), sier fungerende mediedirektør i NRK, Arne Helsingen (NTB).

  • Mange feil i «World of Warcraft»

    Den nye versjonen av «World of Warcraft» som blei lansert denne veka var langt frå feilfri, melder VG. Fleire programfeil fører til at spelarar slit med å kome seg forbi fiendane; dei er rett og slett for gode til å slåst. Selskapet bak, Blizzard, forsikrar om at dei fiksar fleire hundre programvarefeil per dag.

    Gutt spiller World of Warcraft
    Foto: NIGEL TREBLIN / AFP