Ti nye deltakarar frå ti ulike idrettar skal kjempe om retten til å kalle seg Mesternes Mester.
Det uhøgtidelege realityprogrammet er eit av tidenes største sjåarsuksessar på TV i Noreg. I fjor fekk over ein million nordmenn med seg premieren. Då var det enduro- og rallyførar
I år går konkurransane føre seg i Kroatia. Innspelinga skjedde i områda rundt den historiske byen Zadar tidlegare i år. Programleiar Dag Erik Pedersen lovar meir av det som har gjort programmet populært:
– Det blir fart, det blir spenning og det blir underhaldning. Men først og fremst blir det veldig god stemning mellom dei fantastiske deltakarane som er med i år.
Den ellevte sesongen av «Mesternes Mester» startar 1. januar kl 2005 på NRK1 og
Store stjerner og litt mindre kjende fjes
Den største profilen i år er utan tvil Emil Hegle Svendsen. Skiskyttaren la opp etter OL-sesongen i 2018 etter to sølv og ein bronse i Pyeongchang. Totalt står Svendsen med gullskrift i historiebøkene med sine åtte OL-medaljar, 21 VM-medaljar og 28 verdscupsigrar.
– Det er gøy å konkurrere igjen, fortel Svendsen til NRK på ein fridag under opptaka i Kroatia.
– Å kjenne på nervane og konkurranseinstinktet er rett og slett veldig moro. I tillegg har samhaldet på huset vore utruleg artig.
I den ellevte sesongen av «Mestenes Mester» er det med ei rekkje kjende profilar frå store norske idrettar som langrenn, kombinert, fotball og handball. Den doble OL-meisteren og tredoble verdsmeisteren i kajakk, Eirik Verås Larsen, stiller også til start.
– Eg kan ikkje hugse at vi har samla så enormt mange vinnarar av NM-, OL-, EM- og VM-medaljar nokon gong tidlegare, seier programleiar Dag Erik Pedersen.
Madeleine Enersen Hellerød er kanskje det mest ukjende namnet for folk flest. Men 24-åringen frå Lørenskog har ni VM-gull, fem EM-gull og 39 norske meisterskap i diskodans på merittlista.
Totalt har Enersen Hellerød tatt heile 35 internasjonale medaljar. Dermed er ho ei av dei mestvinnande norske dansarane nokosinne.
For Enersen Hellerød er det sosiale det aller beste med å vere med i «Mesternes Mester»:
– Eg har fått nye gode vennskap med utruleg herlege og fantastiske utøvarar med masse energi. Sjølve konkurransane kjem i andre rekke.
Enersen Hellerød bur på rom med Margaret Knutsson Aase og Kjersti Buaas som har internasjonale medaljar frå jiu-jitsu og snowboard.
–Dei liker å halde humøret oppe og finne på litt sprell her og der, seier Enersen Hellerød.
BLI MED INN I «MESTERNES MESTER»-HUSET:
Dette er deltakarane i den nye sesongen av «Mesternes mester»:
- Ingvill Måkestad Bovim (38), friidrett (mellomdistanseløp)
- Kjersti Buaas (37), snowboard
- Madeleine Enersen Hellerød (24), dans (disko/freestyle)
- Odd-Bjørn Hjelmeset (47), langrenn
- Kari Mette Johansen (40), handball
- Eirik Verås Larsen (43), kajakk
- Magnus Moan (35), kombinert
- Vidar Riseth (47), fotball
- Emil Hegle Svendsen (34), skiskyting
- Margaret Knutsson Aase (31), jiu-jitsu