NRK Meny
Normal

Kjell Ola Dahl får Rivertonprisen

Rivertonprisen for 2015 går til Kjell Ola Dahl for kriminalromanen «Kureren». Det er andre gang han vinn denne prisen.

Kjell Ola Dahl får Rivertonprisen

Forfattar Kjell Ola Dahl fekk i dag sin andre Rivertonpris for romanen «Kureren».

Foto: Varfjell, Fredrik / NTB scanpix

I grunngjevinga for å tildele Kjell Ola Dahl Rivertonprisen for den beste norske krimromanen i fjor, skriv juryen mellom anna at han har skrive ein svært kunnskapsrik, intelligent og truverdig kriminalroman.

Kureren av Kjell Ola Dahl

«Kureren» er kåra til beste norske krimbok i fjor

– Vi les vidare, andelaust, og blir ikkje skuffa. Nesten alt fell på plass, nesten på utruleg vis, skriv juryen.

Tidlegare er det berre tre forfattarar som har vunne prisen to gongar: Gunnar Staalesen, Jon Michelet og Karin Fossum. Dahl er glad for å bli den fjerde i den eksklusive klubben:

– Dette har mykje å seie for meg. Prisen er den høgste utmerkinga ein kriminalforfattar kan få i Norge. Eg er kjempebegeistra, takknemleg og audmjuk.

Ville slutte

Jon Michelet

Jon Michelet var den første som fekk Rivertonprisen for andre gong.

Foto: Bjørnflaten, Thomas / SCANPIX

Sjølv om han har hatt stor suksess med kriminalbøkene, truga Kjell Ola Dahl i 2012 med å legge opp som krimforfattar. Men i fjor kom han altså tilbake med «Kureren», som fekk gode kritikkar. «Kureren» vann også Brageprisen i open klasse i desember.

Kjell Ola Dahl debuterte som forfattar i 1993. Han har skrive ei rekke kriminalromanar om politietterforskarane Gunnarstranda og Frölich. Han fekk også Rivertonprisen for 2000 for romanen «En liten gyllen ring». Kriminalbøkene hans kjem ut i 14 land.

Scandinavian Star

Brann om bord i "Scandinavian Star"

Kjell Ola Dahl har skrive bok der han gjennomgår teoriane om kva som skjedde då Scandinavian Star brann.

Foto: Løchen, Per / SCANPIX

Men han har også skrive romantrilogien «Lindeman & Sachs» som handlar om eit Norge som går frå å vere fattig til å bli rikt ved å følge tre familiar. I tillegg har han skrive ei sakprosabok om Scandinavian Star,

Rivertonprisen, «Den gylne revolver», blir kvart år delt ut av Rivertonklubben for «det beste arbeid innan norsk kriminallitteratur». Rivertonklubben blei starta i 1972, og prisen er eit samarbeid mellom Rivertonklubben, Foreleggerforeningen og Bokhandlerforeningen.