Kasta ut av Canada

Då Berserk-skuta la til hamn i Canada gjekk det ikkje akkurat som dei hadde forventa. Dei skulle berre inn til land for å fylle diesel, kjøpe mat og kjøpe nokre motordelar, men det blei lengre tid i hamn enn planlagt.

Hør: Fredrik Juell i Reiseradioen

Rett i fengsel

Supern (Rune Ohlsgaard) har ei fortid som Hell's Angels talsmann, noko som canadiarane ikkje ser på med eit smil. Det gjorde til at han for rett i fengsel, nesten før dei hadde klart å legge båten i hamn.

Og ikkje nok med det så tok dei og med seg kokken (Fredrik Juell).

- Det skjedde utan grunn, eller på grunn av ein motorsykkelklubb som eg ikkje ein gong er medlem av. Ikkje døm boka etter coveret, fortel Fredrik i Reiseradioen.

Kvifor trur du dette skjedde?

- Det må vel vere fordi eg har skjegg og tatoveringar. Og kanskje fordi vi er kompisar og delar lugar ombord i båten, fortel Fredrik og ser ut som eit spørsmålstegn.

Sendt til Norge

Supern som dei kallar maskinisten ombord i båten sit framleis i fengsel i Canada, medan kokken måtte reise tilbake til Norge.

- Vi sat i fengsel saman i fire dagar, eigentleg ganske hyggeleg. Vi fekk faktisk site ved siden av kvarandre, fortel Fredrik.

Men kvar er Supern no då?

- Han er nok framleis i fengsel i Canada. UD meinar i alle fall det, fortel Fred som no er trygt tilbake i Norge.

Fly tilbake 

I desse dagar er skuta på veg frå Canada til Grønland, utan maskinist og kokk.

- Det er no dei verkeleg treng ein kokk, det er hardt vêr og mykje jobb, difor treng dei ein kokk, slik at dei får eit skikkeleg kosthald, fortel Fredrik.

Av den grunn blir det ikkje eit langt opphald for Fredrik her i Norge.

- Eg flyr til Grønland og ventar på dei der. Dei kjem snart dit så eg får berre vente på dei der.

Men uansett kor mykje problem Berserk-gjengen skal ha og vidare få på turen er Fredrik sikker på ein ting.

 - Vi skal segle nordvestpassasjen, uansett kven det er som prøvar å stoppe oss, avsluttar Fredrik.