No lurar du kanskje på kvifor denne mannen har to namn, og det er det eit enkelt svar på. Det ordentlege namnet hans er Joan Pau Stemland, men som alle store artister har han eit artistnamn, nemleg Juan Pablo.
På laurdag står 31 åringen på scena med ein song som han har laga sjølv. Den heiter ”Kom hit” og du kan sjå og høyre Juan Pablo synge songen sin
Flytta til Noreg
Grunnen til at han har flytta frå varme Spania til kalde Norge er at han reiste til Noreg som 19 åring på interrail. Og kanskje det var då han fann ut at det var her han ville bu.
Svensk helt
Det er nesten litt komisk, han er spanjol, bur i Norge og har ei svensk dame som sitt store forbilde, dette er ein mann av internasjonalt kaliber.
Allereie som 14 åring blei han hekta på Roxette. deira ”bli glad” musikk, som han kallar det, er følsam og sterk.
Denne mannen har mange draumar, men den aller største er å jobbe saman med Marie Fredriksson i Roxette.
- Det er vel lov å drøyme, ler han.
Sjenert
Den første gongen han sette sine bein på ei scene var han kjempe nervøs og sjenert, og det var så vidt han klarte å sjå på publikum. Ein av dei første gongane han skulle framføre ein av sine eigne songar blei det ikkje så mykje betre. Då starta publikum å rope til han, ”du må ikkje vere SÅ sjenert”!
- Det gjorde meg i alle fall meir brydd og sjenert akkurat der og då.
Men no kan det verke som at 31 åringen ikkje er så sjenert lenger, i alle fall når han fekk spørsmålet om kva motto han har.
- Eg meiner at ein skal leve som den ein er, ikkje som den folk meiner eller forventar at du skal vere. Ver deg sjølv og stå på!
Kva vil du bruke pengane du vinn til?
- Eg vil marknadsføre og gi ut plata mi. Eg kunne tenkje meg å turnere etter ei eventuell utgjeving.
På gøy med Juan Pablo:
Har du nokre spesielle interesser?
- Eg lagar skulpturar av leire, og håpar at eg ein dag kan stille ut desse.
Samlar du på noko?
- Nei ikkje no, men då eg var liten hadde eg ei stor samling av smurfer, men eg veit ikkje kvar det er blitt av dei.
Kva slags Disneyfigur ville du helst ha vore?
- Dette var vanskeleg, anten Mikke Mus eller Pluto, men eg trur eg liknar mest på Donald!