Jan Fredrik Karlsen er født 17.juni 1973 i Slemmestad i Røyken kommune. Han er son av Tove Karlsen og Rolf Karlsen og vaks opp saman med to yngre søstre, Lena og May Helen.
Karlsen er barnebarn av tidlegare NRK-journalist Jan P Jansen, som saman med Erik Tandberg blei kjende då dei kommenterte månelandinga til Apollo 11 på NRK i 1969
Starta karriera tidleg
Etter vidaregåande skule i Røyken, byrja Karlsen i platebransjen. Etterkvart byrja han å arbeida som manager, og jobba med artistar som Sissel Kyrkjebø og Lene Marlin. Han blei og kjend med countrysongar Willie Nelson, og i 1996 fekk han for fyrste gong besøka han i Texas.
Tv-karriera
Karlsen blei kjend for tv-sjåarar i 2003, då han var dommar i den fyrste utgåva av programmet Idol på TV2. Der var han og dommar i 2004 og 2007. Våren 2008 og 2009 var han ein av dommarane i ”Norske Talenter” og etter det var han to gonger dommar for ”X-Factor,” på same kanal.
I fjor fekk Karlsen sitt eige program på TV2.”Lurt av Karlsen” er den norske utgåva av MTV-sitt program ”Punk`d”
Til dagleg driv Karlsen firmaet Playroom saman med Jens Kristian Nesse Han er manager for mellom ana Kurt Nilsen, som vann Idol 2003, og Alejandro Fuentes, som kom på 3.plass i Idol 2005.
Karlsen er deltidspappa for William på 8 år og Felicia på 5,5 år, som han har frå to tidlegare forhold. Han bur i Oslo.
