The Rolling Stones skulle etter planen spelt på T-mobile arena i Las Vegas onsdag kveld. Vokalist Mick Jagger, som har fått strupekatarr, er anbefalt av legen å kvile stemma si, ifølge ei melding på heimesida til rockebandet.
The Rolling Stones spelar på same arena i Las Vegas laurdag 22. oktober. Den er førebels ikkje avlyst og heller ikkje utseld.
Rockebandet, som slepp si første plate på elleve år i desember, spelte to konsertar på ein-gongs-festivalen «Desert Trip» i California i helga. Her nytta Mick Jagger høve til å gratulere Bob Dylan med nobelprisen i litteratur.
