NRK Meny
Normal

Ikkje ta med blindpassasjeren

Den står der og fristar, så uskuldig, vakker og eksotisk. Men tek du den med deg heim til Norge, er det kanskje du som har skulda for at ein ny plageånd angrip norsk dyre- og planteliv.

Plante
Foto: Johannessen, Sara / SCANPIX

Me er alt invadert av brunsneglen frå Iberia, Harlekinmarihøna frå Asia og sjukdommen pærebrann frå USA. Fleire artar står og trippar og vil inn i Norge.

Fluger og flatorm

Den siste er den grådige søramerikanske Minèrfluga. Den drep planter, men er resistent mot plantevernmiddel. Heile planten må destruerast om den blir angripen, noko som kan medføre store tap i veksthusnæringa. Minèrfluga har alt ei tå innanfor grensa vår, og Mattilsynet er usikker på om dei har klart å stogge den.

Den New Zealandske flatormen, som har etablert seg i England, et meitemakk. Den har ingen naturlege fiendar her, og om meitemakken forsvinn kan eit frodig område bli redusert til sumpmarker.

Smuglar planter

- Hageeigarar fortel meg at dei smuglar inn planter, seier Ørjan C. Simonsen i Mattilsynet Hordaland. Han har òg vore i kontakt med tollvesenet på Flesland, som fortel at dei ofte stoggar passasjerar med ulovleg importerte planter. Desse plantene blir konfiskerte og destruerte.

- Det er eit klart og tydeleg lovverk på dette, men folk veit for lite om det. Det seier Anne Tafjord-Kirkebø, fylkesleiar i Hageselskapet Hordaland. Ho er initiativtakar og pådrivar bak kampanjen "Bindpassasjerer? Ditt ansvar" - og saman med Mattilsynet har ho laga ein poster som skal opp på alle flyplasser, internasjonale havner og tollstasjonar.

- Styresmaktene gjer ikkje nok

I dag blei den fyrste plakaten avduka på Skoltegrunnskaien i Bergen. Anne Tafjord-Kirkebø er skuffa over at dei sentrale styresmaktene sjølve ikkje gjer nok for å forsvare Norge mot framande artar.

- Dei skriv under alle avtalar og lagar både raud- og svartelister, men dei føl ikkje opp med handling. Det er utruleg at ei så viktig sak lir av pengemangel. Denne kampanjen hadde ikkje blitt realisert utan dugnadsarbeid og engasjement frå vår side!

Du kan lese mer om dette på Bioforsk sine nettsider.

Norgesglasset NRK P1

Kulturstrøm

  • Nytt nasjonalt 22. juli-minnesmerke

    Søndag avdukes det midlertidige nasjonale minnesmerket for 22. juli-angrepene. Det blir plassert ved Høyblokka i Oslo, og består av en vegg med alle ofrenes navn og alder, i tillegg til et «gulv» av tromlet glass. Glassbitene symboliserer alt det knuste glasset i områdene rundt regjeringskvartalet etter at bomben gikk av. Forslag til minnesmerker etter terrorangrepene i 2011 har tidligere vakt mye debatt. Støttegruppa for 22. juli sier at dette minnesmerket er etterlengtet (NTB).

  • Terningkast fire til «Mamma Mia»

    Fansen vil kose seg, mener P3s filmanmelder om «Mamma Mia»-oppfølgeren, som er klar for norske kinoer. Hun fremhever Chers inntreden i filmen, og at Pierce Brosnan er spesielt god denne gangen. Heldigvis har sistnevnte fått færre sangnumre å bryne seg på. «Jeg liker at manusforfatterne siden sist har lært at Brosnans stemme ikke gjør seg så godt i full utfoldelse,» skriver anmelderen.

    Mamma Mia, Here We Go Again!
    Foto: Jonathan Prime