NRK1, fredag 17. august kl. 1930.
- Like barn leikar best, seier Rune Fjellanger. I 1988 starta han
som eit kurs- og treningssenter for hund og eigarane deira. På kvalpekursa deler dei deltakarane inn i grupper etter alder og storleik. Målet er ikkje først og fremst å lære kvalpane og adlyde kommandoar som ”sitt” og ”dekk”, sjølv om dei også trenar på dette.Det viktigaste er at kvalpane lærer seg omgang med andre hundar og menneske – og at eigarane deira får lære seg teknikkar for å trene kvalpane heime. At kvalpane på kurset er om lag like store er viktig for å hindre at fysisk store kvalpar dominerer dei mindre.
Tidleg start
Til yngre kvalpane er når dei kjem på kurs, til mindre er risikoen for at dei utviklar problemadferd seinare i livet. Aller helst bør treninga starte i god tid før dei er fire månader gamle.
- Kvalpen utviklar seg heile tida, og etter fire månader kjem han inn i fryktfasen, forklarer Fjellanger. Då oppfattar han verda på ein annan måte enn før. Ting som han tidlegare ikkje opplevde som farleg kan brått bli veldig skummelt.
På kurset får kvalpane leike fritt i eit trygt miljø, med instruktørar som heile tida passar på. I slik sosial omgang med andre kvalpar lærer hundane kva som er god hundeskikk, dei lærer bittkontroll og høfleg omgang med andre hundar.
Hundespråk
- Hundar snakkar med heile kroppen, både med kvarandre og med menneska rundt seg. For ein hund er det å sjå han rakt i augene og vise tenner teikn på aggressivitet. Derfor må hundar lære å takle klossete helsing frå folk, seier Fjellanger. For langt frå alle veit at den beste måten å helse på ein hund på, er å sette seg på huk og rette fram handa, med hovudet litt bortvendt. På den måten kjem ein nærare augehøgda til hunden, så han slepp å hoppe opp for å få kontakt. Ved ikkje å sjå han direkte i augene, viser ein vennskapelege hensikter.
- Målet vårt er at hundane på kursa våre skal bli gode familiemedlemmer og ”samfunnsborgarar”, seier Fjellanger. Då er det viktig at eigarane forstår hunden sitt språk, adferd og behov.
Rett til fred
Hunden skal vere den som er lågast på rangstigen i ein familie. Men han skal likevel ha rettar.
- Dei to viktigaste er retten til fred når han går til soveplassen sin, og rett til sosial omgang med andre hundar, seier Fjellanger.