Etter at denne artikkelen blei publisert, har det blitt spekulert i om avsløringa av Andreas Haukland, bedre kjent som TIX, var eit regissert stunt. Haukland har blant anna bekrefta til Dagbladet at han sjølv sat i salen under den første semifinalen kor Subwoolfer opptredde. Haukland har takka nei til å la seg intervjue av NRK Nyheter, og NRK sine pressekontakter har ikkje svart på NRK Nyheters førespurnadar om det verkeleg er Haukland som er DJ astronauten.
– Heilt sjukt!! Det såg eg aldri i verda for meg.
Det seier Morten Westgaard i Eurovision Norway etter han fekk vite identiteten til den gullkledde rom-DJen.
– Eg har ikkje fått tatt det inn heilt enno, sender han på tekstmelding frå Torino.
Eurovision + Tix = sant?
Det er nok mange som har vore nysgjerrige på kven som skjuler seg bak fasaden i Subwoolfer, men no veit vi altså at DJ Astronaut er Andreas Haukeland, best kjent som Tix.
Då artisten i fjor stod på scena for Noreg, sang han låta Fallen Angel.
STÅR OPP ATT: Tix var kanskje ein Fallen Angel under fjorårets Eurovision Song Contest, men som DJ Astronaut er han tilbake igjen.
Foto: Peter Dejong / APMange spekulasjonar
Det har i lang tid vore spekulert om kven som er bak maskene til Subwoolfer.
President i den norske «MGP»-klubben, Morten Thomassen, har tidlegare sagt til NRK at han meiner det har vore lurt av Subwoolfer å forbli anonyme.
– Dei har laga eit konsept som eg synest dei burde gjennomføre. Dette er ikkje «Maskorama» kor dei må ta av seg maskene.
STJERNA: I bakgrunnen ser ein det som er Tix.
Foto: NATHAN REINDS / EBU– Og om dei skulle vinne kan dei velge å gjere det til ein gimmick der dei riv av seg maskene.
Subwoolfer skal nest sist på scena i Torino i kveld.
Kanskje får vi vite meir då?
