På laurdag kan du sjå Håvard og Marte framføre ”Beautiful ways” av Håvard Lothe, den songen kan du og sjå dei spele på .
Tidleg start
Håvard og Marte byrja tidleg å synge og spele. I dag har begge bachelor i musikk frå den kjente LIPA-skolen (Liverpool Institute for Performing Arts). Og begge to fekk ein tidleg smak på musikklivet.
- Eg var trommis i danseband då eg var ni år, noko som innebar at eg blei jaga heim etter å ha spelt i bryllaup då dei vaksne skulle opne ølboksane, fortel Håvard.
Marte sin smak på musikklivet fekk ho allereie i barnehagen.
- Eg byrja i musikkbarnehage då eg var fire år, men eg har sunge frå eg kunne snakke.
LIPA
Begge to har altså gått tre år på den kjente LIPA -skulen som Paul McCartney har starta. Både Håvard og Marte følar at dei har fått mykje igjen for desse åra i Liverpool
- Eg er veldig glad for at eg har budd tre år i England, det har eg lært mykje av, både som songar og som menneske, fortel Marte.
Håvard hadde og ei god tid på skolen. Ei av dei største opplevingane i livet til Florøguten er frå tida i England.
- Det må vere då eg fekk spele ein av låtane mine for Paul McCartney og hans dåverande kone i einerom, og eg fekk han til å synge med på refrenget.
Kva vil de bruke pengane de vinn til?
- Pengane skal gå med til ein Taylor-gitar eg har sett meg ut, og resten skal går til promotering av plata eg skal gi ut i slutten av april, fortel Håvard.
Marte har og planar for korleis pengane skal brukast.
- Eg vil kjøpe utstyr som eg treng til å jobbe med song og låteskriving, og eg vil fortsette å ta songtimar her i Norge og i utlandet.
På gøy med Håvard og Marte:
Er det noko du er spesielt dyktig til?
Håvard: - Eg treng vekkeklokke for å rekke matbutikkar, men det er nok fordi eg driv med musikk heile natta, noko som i mange år har vore familien min si store fortviling.
Er det noko du absolutt ikkje klarer?
Marte: - Det er heilt umogleg for meg å koke ris utan å bruke "Boil in a bag".
Er det noko du er spesielt dyktig til?
Håvard: - eg er utruleg distrè. På eit år mista eg ni gitartunere som kvar for seg kosta 400 kroner. Då var eg student og fattig i tillegg.
Kva er det mest ”nerdete” ved deg?
Marte: - Eg er stor Harry Potter fan, les bøkene for tredje gang no.
