«Hermine» er blitt motestjerne

Emma Watson, betre kjent som Hermine i «Harry Potter»-filmane, er lei av barnestjerne-stempelet. No poserer ho på framsida av Vogue for første gong.

Emma Watson

Emma Watson er på coveret av Vogue denne månaden. Ho fortel mellom anna om korleis det har vore å spele Hermine Grang i så mange år.

Foto: Ap

«Harry Potter»-stjerna Emma Watson er blitt tatt inn i varmen av motebransjen. Denne månaden er ho på framsida av eit av verdas største motemagasin, amerikanske Vogue.

Ho er fotografert av Mario Testino, som står bak nokre av dei mest ikoniske Vogue-covera opp gjennom historia, mellom anna av prinsesse Diana av Wales og Kate Moss. Watson poserer i kjolar frå kjende designarar som Calvin Klein, Louis Vuitton og Prada.

MTV Movie Awards Show

Emma Watson under MTV Movie Awards Show nyleg.

Foto: Matt Sayles / Ap

Får skryt for klesstilen sin

Til hausten blir ho å sjå i reklamekampanjar for sistnemnde motehus og ho er eit av ansikta til kosmetikkgiganten Lancóme. I 2009 var ho med i reklamekampanjar for det britiske luksusmerket Burberry og ho har tidlegare blitt intervjua i italienske Vogue. Alt i ein alder av 21 år.

I intervjuet i Vogue fortel Watson mellom anna at ho har prøvd seg som designar av eit økovenleg klesmerke, People Tree. Ho har også samarbeida med den italienske designaren Alberta Ferretti om fem plagg som kom i butikkane i mars i år.

Watson får mykje skryt for klesstilen sin og har ein sterk posisjon som it-jente i motebransjen.

Sjå traileren til den siste «Harry Potter»-filmen:

Seier farvel til Hermine

Emma Watson

Slik ser heile juli-framsida til amerikanske Vogue ut.

Foto: Ap

Ho er aktuell med siste del av Harry Potter-filmane, «Harry Potter og Dødstalismanene, del to», som har premiere natt til 13. juli. Billettsalet er i gong, og fansen har stått i kø i opptil to veker for å sikre seg billettar. Dette blir siste gong 21-åringen er å sjå i rolla som Hermine.

Ved sidan av innspeling av Harry Potter-filmane har Watson studert ved prestisjeuniversitetet Brown.

Ho har sagt ja til å spele i filmen «The Perks of Being A Wall Flower», også den basert på ei bok, men elles langt unna «Harry Potter»-universet.

Kulturstrøm

  • Skavlan vikarierer i Gullrekka

    Fredrik Skavlan er vikar for Pernille Sørensen i årets siste episode av Nytt på nytt som sendes i morgen. Øvrige gjester er Liv Ullmann og Erik Solheim. Talkshow-verten forsvant fra gullrekka da programmet «Skavlan» i høst flyttet fra NRK til TV 2.

    Fredrik Skavlan på TV2s høstlansering
    Foto: Marit Hommedal / NTB scanpix
  • Samisk i dronningens stall

    Tre generasjoner med samiske kunstnere skal presenteres i Dronning Sonja Kunststall fra februar. Utstillingen «Historier» inkluderer rundt 50 verk, åpner 8. februar og vil stå hele våren og sommeren, melder Kongehuset.no. Blant arbeidene som vises, blir Britta Marakatt-Labbas monumentale verk « Historja»: En 24 meter lang tekstilfrise (NTB).

    Britta Marakatt Labba sammen med eget kunstverk
    Foto: Mariela Idivuoma / NRK