Saman med styremedlemmene Jan Olav Fretland, Silje Solheim Karlsen og Tor Fuglevik, trekkjer no styreleiar Magni Øvrebotten seg.
Årsaka er måten tilsetjingsprosessen av ein ny direktør for Språkrådet har vorte handsama på av Kulturdepartementet.
– Eg skjemst over både prosessen og resultatet av han. Difor trekkjer eg meg, seier Magni Øvrebotten.
– Respektlaust
Magni Øvrebotten har fungert som leiar for styret i Språkrådet sidan Ida Berntsen trekte seg i august i år. Styret har sete på overtid, fordi dei skulle få på plass ein ny direktør.
Retorikkprofessor Kjell Lars Berge var beden spesielt om å søkje stillinga, og han var den eit samrøystes styre rådde kulturministeren om å tilsetje. Tilsetjingsprosessen har no vart i over sju månader.
Øvrebotten meiner dette er ei respektlaus behandling av alle søkjarane, og særleg av Kjell Lars Berge .
– Styret har sete mest eitt år ekstra til ingen nytte, og det er god grunn til å spørje kva Språkrådet skal med eit eige styre, seier Øvrebotten.
Har kritisert Huitfeldt
Ifølgje
om kulturministeren, som gjer at Huitfeldt ikkje vil tilsetje han som ny språkdirektør.No vert stillinga som direktør i Språkrådet lyst ut på nytt i januar, når eit nytt styre er på plass.
Huitfeldt beklagar
– Eg beklagar at denne prosessen har teke for lang tid, seier kulturministeren til NRK.
Men ho meiner det er uproblematisk å overprøve Språkrådets anbefalingar.
– Eg har høyrd på Spåkrådets vurderingar om alle kandidatane, men det er ikkje styret som tek avgjeringa, det er det departementet som gjer.