Hopp til innhold

Girl in Red hylla av ein av verdas største artistar

Marie Ulven, betre kjent under artistnamnet Girl in Red, slapp i går debutalbumet sitt. Popdronninga Taylor Swift er blant dei som rosar musikken hennar.

Marie Ulev, Girl in Red, på scenen

Girl in Red har oppnådd suksess på den internasjonale scena.

Foto: Lars Opstad / Lars Opstad

22-åringen frå Horten gjorde braksuksess i 2018 då ho vann årets Urørt med låten «I wanna be your girlfriend».

Etter det har ho fått millionar av fans og rocka på scener verda rundt. Det siste året har ho blitt hylla for musikken sin, og for å vera eit skeivt forbilde verda over.

Girl in red er ute med debutalbumet. Ho haustar ros frå alle kantar.

Girl in red er ute med debutalbumet. Ho haustar ros frå alle kantar.

Nyleg peika prestisjetunge Forbes ho ut som ein av dei 30 mest lovande artistane i Europa.

I går kom ho ut med debutalbumet sitt «If I Could Make It Go Quiet»og lovorda har ikkje venta på seg.

Popdronninga Taylor Swift er blant dei som kjem med hyllest.

Taylor Swift hyller Girl in Red sitt debutalbum.

Taylor Swift meiner musikken til Girl in Red er spektakulær.

Foto: taylorswift / Instagram

«Dropp alt du har i hendene og strøym og kjøp dette albumet fordi det er spektakulært!» skriv ho på sin Instagramprofil.

Ho har tagga Girl in Red, som på sin Instagram svarte med «Taylor Swift, eg elskar deg».

Bortimot komplett debut

Taylor Swift er blant dei mestseljande popartistane i historia, og er den fyrste kvinnelege artisten til å vinne Grammy for beste album heile tre gongar.

Taylor Swift

Taylor Swift er blant dei mestseljande popartistane i historia.

Foto: Evan Agostini / AP

Men det er ikkje berre ho som lovprisar det fyrste albumet til Girl in Red. Musikkmeldarar både her heime og i utlandet gir ho toppkarakter.

NRKs musikkmeldar skriv blant anna:

«At steget frå soverommet til arena-pop er vellukka, er heva over ein kvar tvil. Girl in Red er framleis Girl in Red, og med «If I Could Make It Go Quiet» stadfestar ho posisjonen sin som ein av landets aller mest interessante artistar.»

Ho har også stadfesta sin posisjon over dammen. På låten «Serotonin» har ho fått med seg ein av dei mest ettertrakta produsentane for augeblikket, FINNEAS, som er broren til popidolet Billie Eilish.

Girl in red live på P3 med songen «Rue» som er ute på debutalbumet.

Opptre på eit av verdas største talkshow

Oppturane for Girl in Red står verkeleg for tur. For to veker sidan tok ho i mot Spellemannsprisen for årets internasjonale suksess.

Og fyrstkomande måndag skal ho opptre på Jimmy Fallon som er eit av verdas største talkshow.

Han husar gjestar som Justin Bieber, Miley Cyrus, Shawn Mendes og andre internasjonale stjerner.

Men det er ingen fare for at ho skal miste bakkekontakten. Ho har nemleg diva-angst.

girl in red spelar fingerboard

Marie Ulven har mange talent. Blant anna er ho svært dyktig i «fingerboarding». Ho var med i VM i «fingerboard» som 14-åring.

Foto: Inger Kristine Lee / NRK

Diva-angst

– Eg er veldig redd for at eg plutseleg skal bli ei bitch, seier ho til NRK.

Ulven vil ikkje vere ein som trur ho er betre enn andre. Det strir mot hennar kjerneverdiar som er å vere ein god, varm person, forklarar ho.

– Og så einsamt det høyrest ut også. Eg har ikkje lyst til å vere einsam.

Ein av dei som held føtene hennar godt planta på bakken er hunden hennar Luna, som har betydd mykje for ho det siste året.

Girl in red - ute på tur med hunden

Marie Ulven er svært glad i hunden sin Luna. Her tar dei ein pust i bakken.

Foto: Inger Kristine Lee / NRK

– Eg har det mykje betre med meg sjølv no. Eg berre elskar Luna, ass, seier ho før ho legg til:

– Eg får berre fortsette å bli audmjuka mens eg plukkar opp driten til bikkja mi og leve mitt beste liv.

Kulturstrøm

  • Peter Brook er død, 97 gammel

    Den britiske teaterregissøren Peter Brook er død, skriver The Guardian.

    Han ble 97 år gammel.

    Den britiske avisen skriver at han redefinerte måten man tenkte rundt teaterproduksjoner gjennom sitt arbeid for Stratford’s Royal Shakespeare Company i Paris, der han hadde base i over 30 år.

    Peter Brook mottok Den internasjonale Ibsen-prisen i 2008. Den ble overrakt av komiteens leder, Liv Ullmann (t.h.) på Nationaltheaterets hovedscene.

    Liv Ullmann og Peter Brook
    Foto: Kyrre Lien / SCANPIX
  • Tilbake på scenen

    Tine Thing Helseth er tilbake etter sykdom og sang bossanova til mannen sin, Sebastian Haukås, i Hollenderhagen under Risørkammerfestival i helgen.

    Tine Thing Helseth er tilbake etter sykdom og sang bossanova til mannen sin, Sebastian Haukås, i Hollenderhagen under Risørkammerfestival i helgen. 
    Foto: Ida Scheie / NRK
  • Nordstoga i turjakke på Rondaståk

    – Det er jo en slags gudbrandsdalsvariant av Vinjerock, og da må man ha klær i orden, sier Odd Nordstoga etter å ha spilt på fjellfestivalen Rondaståk. Få med deg festivalstemningen og se blant andre Odd Nordstoga og DumDum Boys. Hele serien Festivalsommer finner du i NRK TV.

    Odd Nordstoga i turtøy på Rondaståk-festivalen 2o22

Flere kulturnyheter

Det er ikke lett å navigere seg gjennom Nasjonalmuseet om man har dårlig syn, mener Norges Blindeforbund.

Her kryper de gjennom Nasjonalmuseet

Det er ikke lett å navigere seg gjennom Nasjonalmuseet om man har dårlig syn, mener Norges Blindeforbund.