Brukar helst munnen
Etter at Førde slutta å springa har han helst brukt munnen. Først 20 år på Stortinget, så i 12 år som kringkastingssjef her i NRK.
Førde kom inn på Stortinget berre 26 år gamal i 1969. Om han ikkje hadde kome inn på Stortinget den gongen, hadde han helde fram som journalist i Arbeiderbladet.
Einar Førde er gjest i Radio Røynda. Foto: Morten Holm / SCANPIX
- Eg hadde nok enda opp som ein litt verre variant av deg, Tokvam. Ein mannevond journalist, seier Førde til Radio Røynda.
I dag er Einar Førde fast spaltist i Bergens Tidende. Det var der han første gongen fortalde om den livstrugande kreftsjukdomen sin.
I Radio Røynda snakkar Førde og Tokvam om avgifter, folkeskikk, samfunnsendringar, livet og livsmotto.
Klikk på lenkja i medieboksen over for å høyre Radio Røynda.
Fakta om Einar Førde:
Einar Førde var Stortingsrepresentant for Oslo frå 1969 til 1989, og kyrkje- og utdanningsminister i regjeringa Nordli 1979-1981. Han satt også i regjeringa Brundtland 1981.
Han var medlem av sentralstyret i Arbeidarpartiet frå 1965 til 1981, og nestformann i DNA frå 1981 til 1989. Samstundes var han parlamentarisk leiar frå 1986 til 1989.
I 1989 blei han kringkastingssjef, der han mellom anna fekk starta distriktsfjernsyn, TV-kanalen NRKTO, og bygde ut Sameradioen. Einar satt som kringkastingssjef til i 2001.
Førde har vore bidragsytar til fleire politiske debattbøker, "Smeltedigelen Høyanger" i 1990 og "Mot gravalvorets diktatur" i 2001.
Einar Førde er i dag fast spaltist i Bergens Tidende. Kva han meinar kan du lese her: www.bt.no
Her finn du eit langt intervju med Einar Førde: NRK Sogn og Fjordane
Radio Røynda vart lagt til rette for Internett av Per Kristian Johansen.
Norgesglasset NRK P1 25.03.2004