Diktaren Yahya Hassan blei ei litterær superstjerne i Danmark då han som 18-åring gav ut den kritikarroste diktsamlinga «Yahya Hassan» i 2013. Boka selde i over 100.000 eksemplar i Danmark.
I boka tok Hassan eit oppgjer med dei gammaldagse kjønnsrollene i innvandrarmiljøa i Danmark, men også med fortida som ungdomskriminell. Boka skapte reaksjonar, og Hassan måtte ha politivakter døgnet rundt på grunn av trugsmål.
Bandekrig
Men diktaren sa etter kvart frå seg politivaktene. I staden har hatt skapt overskrifter i Danmark om vald og dop, og hevdar i hyppige Facebook-oppdateringar at han er i krig med to innvandrarbandar i Århus.
No spør mange i det danske kulturmiljøet seg om Yahya Hassan ikkje har tolt presset som følgjer med stjernestatusen, seier kulturkommentator Niels Frid-Nielsen i Danmarks Radio til NRK:
– Det er ein utbreidd frykt for at han er ute av kontroll og ikkje klarer å styre seg. Om vi les Facebook-sida hans, ser vi at han er veldig valdsfiksert.
- Les også:
- Les også:
Yahya Hassan er varetektsfengsla i fire veker. Lovbrota han er sikta for har ei strafferamme på seks år. Men sjølv nektar han straffskuld for det som hendte. Fleire danske aviser spør seg i dag kva som eigentleg ligg bak skyteepisoden. Det blir blant anna spekulert i om det heile kan vere eit pr-stunt som kom ut av kontroll. Men Hassan får også støtte frå to danske forfattarar.
Ikkje godt nok budd?
Kommentator Niels Frid-Nielsen i Danmarks Radio er derimot usikker på om Hassan var godt nok budd på den merksemda han fekk etter debuten:
– Du kan gjerne samanlikne han med amerikanske rapstjerner, som også kjem frå gettoen. Vi har gjort han til ein «mediedarling», utan å bu han på korleis det er å leve i søkelyset døgnet rundt.
Yahya Hassan skal etter planen kome med ei ny diktsamling til hausten. Hendingane dei siste dagane skal ifølge forlaget Gyldendal ikkje vere til hinder for det. Dei skriv i ein epost til Berlingske at dei ventar på manuskriptet, og at dei reknar å kunne gi ut boka som planlagt.
Hassan er også invitert til poesifestivalen Vindtornfestivalen i Drammen no i april. Der skulle han snakke om ytringsfridom og poesi i samtale med Vebjørn Selbekk, men no er det usikkert kva som skjer, seier praktisk ansvarleg Lena Hillestad til NRK:
– Vi kjem til å gå vidare med tematikken uavhengig av om Yahya Hassan kjem eller ikkje. Selbekk kjem uansett, så vi jobbar med alternative måtar vi kan ta opp dette temaet på.