Hopp til innhold
Anmeldelse

Fransk frigjering på Nissen gymnas

Det er kort mellom Oslo og Vietnam, men langt mellom grå kvardagar og lykke i romanen «Kobrahjerte», som spelar seg ut i Oslo midt på 1960-talet.

Forfatter Toril Brekke

Toril Brekke er stødig i skildringa av Oslo og av eit vaklande jentesinn, men romanen vil for mykje mot slutten.

Foto: Tine Poppe / Aschehoug

Agathe (16) synst ho lever i ein uekte familie: Ingen andre foreldre er nemleg skilt. Dette er berre eitt av mange trekk som viser endringane frå romantid til notid, og Brekke er som vanleg presis i detaljen så vel som i det store bildet. Eg trur på hennar Oslo, 1965. Men trur eg på historia?

Det kjem eg tilbake til. Først fakta: «Kobrahjerte» startar om lag der romanen «Alle elsket moren din» slutta. Agathe, som fører ordet, har kome inn på musikklina på Nissen gymnas og drøymer om eit anna og betre liv. Barndommen har vore meir enn skilsmisse: Mor er ein talentfull jazzpianist som blei høgst ufrivillig gravid med Agathe, som i sin tur har vore gjennom heile katalogen over måtar ei mor kan svikte barnet sitt på. Seinare gifter mor seg med den høgst uglamorøse pianostemmaren Isak og dei får kort tid etter eit barn som ikkje liknar særleg på Isak. Deretter stikk mor til København med bassisten og tek med seg barnetrygda.

Prinsen på den kvite scooteren

Mens Agathe spelar tverrfløyte og drøymer om ein vakker ung mann som skal hente henne på den kvite scooteren sin, er realitetane meir brutale. Unge menn er søte og sjenerte til dei stenger soveromsdøra; deretter skjer det noko som liknar valdtekt. Verda er prega av kald krig og kamp mot atomvåpen, og av Vietnamkrigen. Dei store spørsmål i tida blir diskutert av skråsikre gymnasiastar.

Agathe kjenner seg splitta mellom gymnaskompisane og den langt eldre musikaren som ho innleier eit forhold til. Skal ho finne seg ein grei kar å stifte familie med, eller skal ho følgje i mors fotspor og bli kunstnar og bohem? Den franske kusina Madelaine, som har vietnamesisk kjærast, gir henne Simone de Beauvoirs bok «Det annet kjønn» på fransk. Noko er i gjære.

Eit fransk melodrama

«Kobrahjerte» er eit godt og nyansert portrett av Agathe som ung kvinne. Ho står aleine, samstundes står ho planta i ein rotete familie og i ei heterogen forsamling av folk ho møter langs ruta frå Valle-Hovin til Nissen. Skildringa er prega av nitid realisme, og det er positivt meint.

Derfor strevar eg med slutten, der handlinga bikkar over i eit melodrama som ikkje kler romanen. Brekke har aldri vore redd for sterke fargar, men her blir det i overkant: Her skal kolonialisme, feminisme, psykopati, overgrep, krig, død og frigjering på alle frontar samlast i eit kraftfullt crescendo. Eg tek meg i å sakne spenningane mellom elevane på Nissen gymnas og Agathes utforsking av kunst, kjønn og kjærleik, og håpar at balansen mellom verda og Agathe kjem i vater att neste gong, om dette skulle bli ein trilogi.

Passar for deg som

  • likar Oslo-romanar

Kulturstrøm

  • 3,7 millioner til fem filmproduksjoner

    Internasjonalt Samisk Filminstitutt (ISF) har bevilget 3,7 millioner norske kroner i årets første bevilgningsrunde. To kortfilmer, en tv-serie og to langfilmer får bevilgning.

    Det skriver ISFI i en pressemelding.

  • YouTube krever merking av KI-innhold

    De som publiserer på YouTube fremover, må huke av om innholdet er manipulert eller endret for å tydeliggjøre hva som er skapt ved hjelp av kunstig intelligens.

    – Seerne får stadig mer behov for åpenhet om hvorvidt det de ser på, er manipulert eller syntetisk, skriver selskapet på sin blogg.

    Den nye merkingen vil gjelde videoer hvor det kan være tvil om det man ser virkelig er ekte, for eksempel såkalt deepfake, hvor en kjent person sier noe vedkommende aldri har sagt.

    Det vil ikke gjelde videoer som åpenbart er manipulert, som for eksempel animasjonsvideoer, skjønnhetsfilter og spesialeffekter.

    (NTB)

  • Kvinnegruppa Ottar har anmeldt pornografisk russebuss

    Kvinnegruppa Ottar har anmeldt en russebuss fra Bryne som skal ha en pornografisk illustrasjon på siden av bussen.

    De har videresendt anmeldelsen, som de leverte til Sørvest politidistrikt, til Stavanger Aftenblad.

    Gruppa mener at illustrasjonen på utsiden av bussen bryter med straffeloven paragraf 317 om pornografi og paragraf 318 om utstillingsforbud av bilder av eksplisitt seksualisert karakter.

    – Kvinnegruppa Ottar reagerer kraftig på at noen skal kunne kjøre rundt i offentligheten med sitt kvinnefiendtlige budskap, skriver de i anmeldelsen.

    20 russegutter på Bryne vidaregåande skule har brukt omkring 3 millioner kroner på bussen. Guttene har tidligere sagt til Stavanger Aftenblad at foreldrene deres ikke er så begeistret for eksteriøret på bussen.(NTB)