Hopp til innhold

Frå pøbel til poet

Då Evelyn Rasmussen Osazuwa ikkje ville gjere leksene sine fekk ho lov av læraren til å skrive dikt i staden. No er ho verdsmeister.

Evelyn Rasmussen Osazuwa

SLAMPOET: Evelyn Rasmussen Osazuwa er første gjest ut i diktprogrammet «Ordet fanger» på NRK P2.

Foto: Emilie Pat. Williams

  • Slampoeten Evelyn Rasmussen Osazuwa er først ut i det nye diktprogrammet «Ordet fanger» på P2.
  • Seinare i serien kjem blant anna Trygve Skaug, Pernille Sørensen og Maria Mena. Sjå heile gjestelista i botnen av saka.

28. mai 2017 – verdsmeisterskapet i slampoesi i Paris. Evelyn Rasmussen Osazuwa gjekk heilt til topps og vart den første nordmannen til å vinne VM og attpåtil den første kvinna.

I finalen var ho også den einaste som ikkje framførte på fransk eller engelsk, og publikum måtte dermed lese omsetjinga på skjermen bak for å skjøne kva som vart sagt.

Går vi 20 år tilbake ville nok alle berre rista på hovudet om nokon sa at Evelyn ein gong skulle bli verdsmeister i poesi.

Eller, kanskje ikkje alle …

Pøbel

På 90-talet gjekk Evelyn på Bjølsen skole i Oslo og klassa hennar opplevde mykje gjennomtrekk av ymse lærarvikarar. Dei vart kjent som den trøblete klassa som alle lærarane styrte unna, men i fjerdeklasse fekk pøbelungane ny norsklærar – som gav elevane lov til å skrive dikt i staden for å gjere norskleksene.

– Eg hugsar eg tenkte: Dikt, det er jo lett. Det er jo berre historier på rim. Plutseleg vart det ein trend å skrive dikt og lese dei framfor klassa, mimrar Evelyn tilbake.

Den nye læraren vart naturlegvis ein helt i klassa til Evelyn, men til sjuande og sist viste det seg at læraren framleis var lærar.

– Etter ei stund vart det så populært at berre dei som hadde gjort norskleksene sine fekk lov til å lese opp dikta sine framfor klassa. Så eg vart nok lurt til å gjere norskleksene mine, men følte likevel at eg vann norsktimane, konkluderer ho.

Ordet fanger

Evelyn Rasmussen Osazuwa er første gjest ut saman med forfattaren Fredrik Høyer i det nye poesiprogrammet «Ordet fanger» på NRK P2. Og skal vi tru programleiar Ellen Wisløff (Instagram: renpoesi), så lev lyrikken framleis i beste velgåande.

– Poesien er så til dei grader i blant oss og det er stor openheit for å eksperimentere. Du kan sjå han på sosiale medium og litteraturfestivalar dukkar opp overalt. Det munnlege avtrykket har blitt ein viktigare del av det å skrive dikt, seier Wisløff.

Saman med poeten Endre Ruset skal ho leie oss gjennom åtte episodar der dei skal ta temperaturen på poesien i 2017.

Første episode begynner søndag 19. november kl. 10:03 på NRK P2.

Kulturstrøm

  • «Kjærlighet» til filmfestivalen i Venezia

    Den norske spelefilmen «Kjærlighet» av Dag Johan Haugerud er teke ut i hovudkonkurransen på filmfestivalen i Venezia, og kan dermed vinne Gulløven.

    Det er første gong på 38 år at ein norsk spelefilm er invitert til hovudkonkurransen i det som er verdas eldste filmfestival, og ein av dei tre viktigaste filmfestivalane i verda, saman med Cannes og Berlin.

    Regissør Dag Johan Haugerud
    Foto: Baard Henriksen
  • Quisling-film til Toronto

    Regissør Erik Poppes kommende film om Quisling, «Quislings siste dager», er invitert til filmfestivalen i Toronto.

    Det vil si at den får internasjonal premiere i Toronto i begynnelsen av september.

    Ifølge Norsk filminsittutt skal «Quislings siste dager» vises i seksjonen Special Presentation som er for høyprofilerte spillefilmer.

    – Dette er virkelig en ny og betydningsfull milepæl for oss. Toronto-festivalen er den viktigste nord-amerikanske filmfestivalen. Den medfører ofte amerikansk distribusjon, og er også en avgjørende introduksjon til Oscarakademiet om vi blir valgt som norsk kandidat, sier filmens produsenter Finn Gjerdrum og Stein B. Kvae i en pressemelding.

    Verdenspremieren blir på filmfestivalen i Haugesund søndag 18. august.

    Gard B. Eidsvold spiller rollen som landssviker Vidkun Quisling.

    Gard B. Eidsvold som landssviker Vidkun Quisling i filmen Gard «Quislings siste dager».
    Foto: Agnete Brun / Paradox, SF Studios
  • Ei verkeleg god barnebok

    – (...) Arnfinn Kolerud er av dei finaste barnebokforfattarane vi har. Teksta er som alltid overraskande. Styrken til Kolerud ligg nettopp i at du aldri veit kva veg forteljinga vil ta. Ein annan kvalitet er det leikne språket, skriv litteraturkritikar Anne Cathrine Straume om barneboka «Ivar får ansvar».

    Bokomslag av "Ivar får ansvar" og portrett av Arnfinn Kolerud
    Terningkast 5 Bok

    «Ellevilt og pinleg om pengar og makt»

    ANMELDELSE: «Ivar får ansvar» av Arnfinn Kolerud