Foo Fighters-vokalist får ei overrasking av Skavlan

Den amerikanske rockemusikaren får eit uventa gjensyn med ein svensk lege i kveldens «Skavlan».

Saman med trommeslagar Taylor Hawkins besøkjer den kjende Foo Fighters-musikaren Skavlan i kveld. Dave Grohl fortel mellom anna om da han datt ned frå scenen og knekte ankelen under ein konsert i Göteborg i 2015.

– Dei ville få meg på sjukehus, men eg ville gå attende på scena og spela ferdig, seier Dave Grohl om uhellet på Ullevi.

Men sidan beinet var knekt, måtte nokon bli med opp på scena og halde ankelen på plass.

– Nokre minutt seinare bar dei meg attende med beinet stikkande rett ut. Så plasserte dei meg i ein stol, og ein mann sat og heldt på foten heile tida. Vi spela i to og ein halv time til.

Foreint med legen

Fredrik Skavlan kan fortelja at mannen som passa på beinet hans under konserten er ein svensk lege, og Grohl gispar når Skavlan seier at han er her i kveld. Lege Johan Sampson og Dave Grohl gjev kvarandre ein lang klem når dei møtest.

– Du sat stille heile tida og passa på, men etter nokre songar begynte du å bevege deg til rytmane, seier Grohl til Sampson.

Grohl fortel òg om eit strabasiøst bleieskift på «Skavlan» på NRK1 i kveld klokka 21.25. Programmet blir tilgjengeleg allereie klokka 15.00 på NRK TV.

Foo Fighters

I NOREG: Foo Fighters besøkte Telenor Arena 10. juni 2015, berre tre dagar før uhellet i Göteborg.

Foto: Helge Tvedten / NRK

Kulturstrøm

  • Foo Fighters til Bergen

    Det amerikanske rockebandet spelar på Koengen i Bergen 27. juni neste år. Det blir deira einaste konsert i Noreg i 2019, ifølge Bergen Live. Foo Fighters besøkte Bergenhus Festning også i 2008. Supportband vert annonsert seinare.

    Fra lydprøvene til Foo Fighters
    Foto: Dave Hogan/Getty Images
  • Svenska Akademien eide leilighet

    Svenska Akademien, som deler ut Nobels litteraturpris, eide bygget i Stockholm der det mandag ble meldt om en eksplosjon. Aftonbladet skriver at politi på stedet er spesielt interessert i et bilbatteri med ledninger som står på gata utenfor huset.

  • Ordbok med 53.000 samiske ord

    Professor emiritus Pekka Sammallahti har laget en digital ordbok med 53.000 nordsamiske ord. Den er ennå ikke publisert. Sammallahtis ordbok i papirutgave inneholder 30.000 ord og ble utgitt for 30 år siden. Selv om den allerede er utgitt fem ganger så er det fortsatt mange som håper at den skal utgis igjen, melder Yle Sápmi.