NRK Meny
Normal

Fekk sparken på grunn av kongebok

Medforfattaren av ei ny kontroversiell bok om kong Carl XVI Gustaf vert fjerna frå jobben i Sveriges Radio.

Kong Carl XVI Gustaf og Dronning Silvia

Kong Carl XVI Gustaf har fleire gonger tabba seg ut i media med uheldige utsegner, no kjem ei ny omstridd bok om privatlivet hans.

Foto: Åserud, Lise / SCANPIX

Ein av forfattarane av den allereie mykje omtalte boka Carl XVI Gustaf – Den motvillige monarken får ikkje lenger jobbe i radiokanalen P3 i Sveriges Radio, skriv DN.se i dag .

– Eg var innkalla til sjefen min på fredag. Han fortalde at prosjektstillinga mi P3, som skulle vare fram til sommaren, er avslutta omgåande. Eg får løn fram til årsskiftet, men får ikkje lenger arbeide redaksjonelt, seier Tove Meyer, medforfattar av boka.

Ho skal ha fått beskjed om at årsaka til dette var at nyhendeinteressa av kongeboka, ikkje kunne kombinerast med jobben som researcher i Sveriges Radio P3.

Skildrar privatlivet til kongen

Forlaget synest arbeidsforbodet er overraskande.

– I SR har ein heile tida kjent til at ho har skrive boka. Men dei har tydelegvis fått kalde føter, seier forlagssjef Kristoffer Lind til Dagens Nyheter.

Tove Meyer, står saman med Deanne Rauscher og Thomas Sjöberg bak boka som kjem ut neste veke. I boka fortel fleire anonyme kjelder om privatlivet til kong Carl XVI Gustaf, og boka er trykt i eit førsteopplag på heile 20.000 eksemplar.

Mellom anna fortel kjeldene i boka at kongen skal ha vore på nattklubbar, både i Atlanta og Bratislava, med eit svært dårleg rykte. Forfattarane bak boka hevdar at kongen sine påståtte besøk på desse klubbane er kompromitterande for ein statsleiar.

Då rykta om at kongen skulle ha vore på ein nattklubb i Atlanta i 1996, tidlegare svirra i tabloidane, nekta hoffet og kongen for at dette var sant. Ei av dei anonyme kjeldene i boka trur derimot at kongen var der, og skal ha brukt mykje pengar der.

Kjende ikkje til medforfattar-rolla

Sveriges Radio seier at det er rolla til Tove Meyer som er problematisk, og ikkje at boka kjem med kontroversielle påstandar om den svenske kongen.

– Det har ikkje i det heile med innhaldet i boka å gjere. Det som har oppstått er ein konflikt mellom to roller. Ho har ei rolle som forfattar av boka og ei rolle som medarbeidar i SR, og dei rollene meiner vi ikkje kan kombinerast, difor har ho no fått andre oppgåver, seier programdirektør i Sveriges Radio, Björn Löfdahl.

Reaksjonen frå SR kjem først no, fordi SR meiner at dei ikkje tidlegare har vore klar over at Tove Meyer skulle vere medforfattar.

– Det biletet vi hadde fått var at ho skulle ha ei bakgrunnsrolle i konstruksjonen av boka, medan det som no kjem fram er at ho spelar ei mykje breiare og større rolle, som omfattar heile materialet.

Lojalitetskonflikt

Arbeidet med boka har skapt ein lojalitetskonflikt, hevdar Löfdahl. Han peiker på at det er viktig for SR at ikkje journalistane sit inne med opplysingar, som dei ikkje deler med redaksjonen.

– Det viser seg i etterkant at ho har hatt kunnskapar som ho ikkje har bidrege med. Vi i Sveriges Radio vil ikkje ha medarbeidarar som har doble roller, seier Löfdahl.

Han meiner også at Tone Meyer har gjort det vanskeleg for programmet ho arbeider i å gjere redaksjonelt arbeid på boka.

– Dette handlar til slutt om korleis dette kan påverke truverdet til Sveriges Radio.


LES ÒG: Victoria fikk ikke viljen sin

Meiner dei har vore kjeldekritiske

Trass i at mange av kjeldene i boka altså er anonyme, meiner forlaget bak boka Carl XVI Gustaf – Den motvillige monarken at dei har vore kritiske nok til kjeldene.

– Vi har vore ekstremt grundige, overdrive grundige med kjeldene. Kjeldevernet er til for at ein skal kunne få fram informasjon. Det stiller høge krav til utgjevaren at kjeldene er truverdige. Men stiller ein spørsmål ved alle kjelder får ein ikkje fram nokon informasjon, seier forlagssjef Kristoffer Lind.

Han opplyser at dei i boka sjølv er kritiske til truverdet til dørvakter i klubben i Bratislava, som påstår at dei kjenner at kong Carl XVI Gustaf som nattklubbgjest.

Innholdet som skulle vises her støttes dessverre ikke lenger.


Kulturstrøm

  • Vakkert med Susanna

    Lyst til å høre noe fint? Sjekk denne videoen med Susanna Wallumrød og hennes band, live i NRK Radio. Musikken er fra hennes nye plate «Go Dig My Grave». Plata fikk strålende anmeldelser da den kom i vinter.

  • Bekreftet som ny Bond-regissør

    – Vi er glade for å kunngjøre at den eksepsjonelt talentfulle Danny Boyle vil lede Daniel Craig i sin femte film som James Bond, sier Michael G Wilson og Barbara Broccoli fra EON Productions i en uttalelse til The Guardian. Boyle har tidligere vunnet en Oscar for filmen «Slumdog Millionaire».

    Video Filmbonanza; - Dette er ikke en horrorfilm
    Foto: Nyhetsspiller
  • Vil følge med bokbransjens kanaler

    Kulturminister Trine Skei Grande mener det er viktig å følge mer med på utviklingen av bokbransjens salgskanaler fremover. Hun er kritisk til at forlaget Cappelen Damm har en overvekt av egne boktitler i tre av sine salgskanaler, deriblant Storytel med 80 prosent av boktitler fra samme forlag, skriver Klassekampen. I en e-post til avisen skriver hun at bokbransjen ikke bare skal ha rettigheter, men også plikter.

    Trine Skei Grande
    Foto: Anne Liv Ekroll / NRK