Filmfotograf drepen på Alec Baldwin-innspeling i USA

Ein filmfotograf er død og regissøren skadd etter å ha vorte skotne under innspeling av Alec Baldwins film «Rust». Baldwin skaut, opplyser politiet. Dei prøver no å finne ut om hendinga var ei ulukke.

Skuespilleren Alec Baldwin

FYRTE AV SKOTA Alec Baldwin speler hovudrolla i filmen «Rust». Baldwin er også produsent for filmen.

Foto: Lucy Nicholson / Reuters

Den 42 år gamle filmfotografen Halyna Hutchins vart send til sjukehus, der ho vart stadfesta død.

Den jamgamle regissøren Joel Souza vart send til sjukehus og fekk der akuttbehandling. Tidleg fredag morgon skreiv Reuters at Souza vart send heim frå sjukehuset.

Det var Baldwin sjølv som fyrte av våpenet, opplyser polititalsmann Juan Ríos.

Filmsettet der skytinga skjedde. Foto: KOAT/NEWS NATION

Ingen sikta

Ríos opplyser at politiet prøver å finne ut om hendinga var ei ulukke. Det er ingen siktingar i saka og etterforskinga er open, påpeikar politiet i ei pressemelding.

Alec Baldwin på filmsettet under innspelinga av filmen "Rust".

Alec Baldwin på filmsettet. Filmen spelast inn på Bonanza Movie Ranch, ein kjend innspelingsstad i Santa Fe, New Mexico.

Foto: Dallas District

Ei etterforskingskjelde seier til avisa Santa Fe New Mexican at 63 år gamle Baldwin, som også er produsenten av filmen, har vore i politiavhøyr.

Ein fotograf og journalist frå avisa såg Baldwin gråtande, skriv avisa.

Ein talsperson for Baldwin seier at ulykka skjedde som følgje av at eit våpen med lausskot som vart brukt i innspelinga, vart fyrt av ved eit uhell.

Produksjonen av westernfilmen «Rust» er mellombels stansa som følgje av hendinga torsdag.

Alec Baldwin og resten av crewet under innspillingen av Rust

Bilete frå innspelinga av westernfilmen Rust, som Alec Baldwin la ut på Instagram 14. oktober. Han står sjølv midt på biletet med ein lys hatt i handa.

Foto: alecbaldwininsta/francesfisher / Instagram

Knust

«Alle på filmsettet er fullstendig knust over dagens tragedie, og vi sender våre djupaste kondolansar til Halyna's familie og nære vennar», skriv filmselskapet Rust Movie Productions LLC, i ei fråsegn. «Vi har stansa produksjonen av filmen på ubestemt tid, og vi samarbeider med politiet i Santa Fe på alle måtar», skriv dei.

Presidenten i filmfotografanes fagforeining, John Lindley, er i djup sorg etter det som har skjedd.

– Vi har teke imot dei tragiske nyheitene i kveld om at eit av våre medlem, Halnya Hutchins, har mista livet etter skader ho fekk på settet. Dette er eit forferdeleg tap, og vi sørger over tapet av eit medlem av vår fagforeiningsfamilie, skreiv han i ei fråsegn.

– A rising star

Halyna Hutchins var frå Ukraina og vaks opp i ein sovjetisk militærbase. Ho studerte journalistikk i Kiev, og film i Los Angeles, og var kalla «a rising star» av The American Cinematographer magazine i 2019.

Ho var sjefsfotograf på filmen, og har også vore det på fleire andre filmar, mellom anna filmen «Archenemy». Regissøren for filmen Adam Egypt Mortimer skriv på Twitter:

Halyna Hutcher, filmfotografen som ble skutt av Alec Baldwin under en filminnspilling

– Eg er så lei meg for å ha mista Halyna. Og så rasande for at noko slikt kunne skje under ei innspeling. Ho var eit briljant talent som levde for kunst og film.

Kulturstrøm

  • Taper seg i TV-versjon

    «The Lost Symbol» har norgespremiere mandag. Serien er basert på Dan Browns roman fra 2009, men det er Ashley Zukerman, ikke Tom Hanks, som spiller Robert Langdon denne gangen. Sigurd Vik i Filmpolitiet syns serien er «gørrkjedelig». Terningkast 2.

    Ashley Zukerman spiller den unge Robert Langdon, men helten fra «Da Vinci-koden» og «Engler & Demoner» svingte mye bedre i Tom Hanks sin versjon. FOTO: C More
    Foto: C More
  • Norsk film fikk kritikerpris i USA

    New York-kritikerne kåret fredag «Verdens verste menneske» til årets beste utenlandske film. Det har ikke skjedd før med en norsk film. Kåringen kan få betydning for sjansene til å bli Oscar-nominert, melder Rushprint og VG.

    Bilde frå filmen "Verdens verste menneske" (2021)
    Foto: Oslo Pitctures
  • Chris Cuomo sparket fra CNN

    CNN-profilen Chris Cuomo har fått sparken fra CNN etter at det ble avslørt at han hadde hjulpet broren sin, den tidligere New York-guvernøren Andrew Cuomo, bekrefter CNN. Andrew Cuomo er anklaget for seksuell trakassering, og broren Chris skal ha bistått ham blant annet med råd om hvordan saken skulle håndteres overfor mediene.

    Chris Cuomo ble suspendert tidligere denne uka etter at nye detaljer om hvordan han hjalp broren kom fram. CNN har fått et advokatfirma til å gjennomgå detaljene i saken, og konklusjonen er at programlederen avskjediges på dagen.

    Andrew og Chris Cuomo
    Foto: AP