NRK Meny
Normal

Far og son Oftebro saman på scenen for fyrste gong

– Det er sjeldan vi er ueinige, det hender at vi kan krangle litt, han er ganske hissig, seier ein lattermild Nils Ole Oftebro om sonen. I Peer Gynt på Gålå står dei to på scenen saman for fyrste gong.

Jakob og Nils Ole Oftebro

FAR OG SON: Jakob og Nils Ole Oftebro skal spele den unge og den eldre Peer Gynt i nåtid.

Foto: Patrick da Silva Sæther

Under den aller første leseprøva av manus til årets Peer Gynt-oppsetting på Gålå forklarer regissør Sigrid Strøm Reibo korleis scenen kjem til å sjå ut.

– Scenen blir ei strand fylt med turistar og parasollar. I tillegg skal det vere ein jacuzzi, der Peer Gynt sit med sine businessvener, forklarar Reibo til skodespelarane.

I årets oppsetting i Gudbrandsdalen er Peer Gynt sitt liv flytta til vår eiga tid, frå 1960-talet og fram til i dag. Far og son Oftebro, høvesvis Nils Ole og Jakob, skal spele den eldre og den yngre Peer Gynt.

Ringen er slutta

Både far og son Oftebro starta si karriere med Peer Gynt.

På gymnaset blei Nils Ole Oftebro, som eigentleg berre hadde ei statistrolle, lagt merke til, og landa i staden hovudrolla i Peer Gynt. Etter Peer Gynt-suksessen bestemte han seg for at det var skodespelar han skulle bli.

– Det var så flott å oppdage at nokon syns eg var god til noko, så det var kanskje derfor, fortel Nils Ole.

Jakob og Nils Ole Oftebro 2

RINGEN ER SLUTTA: Peer Gynt var første rolle for både far og son Oftebro, som nyutdanna.

Foto: Patrick da Silva Sæther

Jakob Oftebro, som spelte Peer Gynt på teaterhøgskulen, syns det er rørande at nettopp dette stykket blir det aller første han gjer profesjonelt saman med sin skodespelarfar.

– Nå har vi akkurat lest høgt gjennom stykket for første gong, og det er heilt fantastisk. Det er jo verdas kulaste tekst, utbrytar Jakob Oftebro entusiastisk.

– Eit sjokk

For fem seks år sidan fekk Nils Ole Oftebro beskjed om at han hadde prostatakreft. Han har valt å vere open om det fordi han ønskjer å få ned tabua rundt denne typen kreft.

– Ein får sjokk. Eg visste ikkje kva det innebar, eg høyrde berre at eg har kreft. Eg syns det var veldig tøft, fortel Nils Ole Oftebro.

Med medisinsk behandling i utlandet, som ikkje blei tilbode i Noreg, blei Nils Ole Oftebro nesten heilt frisk. Han droppa ein del av den tradisjonelle behandlinga for å unngå alvorlege og nærast uunngåelege biverknader som impotens og inkontinens.

– Det er dei åra du får som frisk som er ganske viktig, det gjeld alt i livet. Jo lenger ein kan utsette å brekke beinet eller få vondt i ryggen, jo betre liv har du sett med mine auge, seier Nils Ole Oftebro.

– Det er så mykje ein tek for gitt, og det skal ein ikkje. Når tilbodet kom om å gjere Peer Gynt saman, så tenkte eg «Herregud, vi må berre gjere det medan vi er unge og friske begge to.» Eg har jo alltid tenkt at pappa var udødeleg, seier Jakob Oftebro.

– Eg tenkte akkurat det same, heilt til eg fekk den beskjeden, seier Nils Ole Oftebro til latter frå sonen.

Jakob og Nils Ole Oftebro 3

EIN KLEMMER: Nils Ole Oftebro er ein klemmer og seier han klenger på barna så ofte han kan.

Foto: Patrick da Silva Sæther

Kulturstrøm

  • Lalla Carlsens hus fredet

    I 1930 sikret Lalla og Carsten Carlsen seg en sveitservilla fra 1800-tallet i Oslo, som de kalte Villa Gro-Gro. I dag er deres barnebarn, Vibeke Sæther, som eier huset sammen med sin ektemann. – Familiens formidable innsats for å ta vare på huset gjør at vi i dag har bevart et av Norges mest spennende kunstnerhjem, sier riksantikvar Jørn Holme via en pressemelding. Huset regnes som det best bevarte av de få gjenværende eiendommene som utgjorde den gamle trehusforstaden Briskeby i Oslo (NTB).

    Villa Gro-Gro
    Foto: NTB Tema
  • Slottet stiller ut bunader

    I sommar blir bunadene og dei samiske draktene til kongefamilien stilte ut i Dronning Sonja Kunststall, i ei utstilling som skal vise den norske kulturarven i dei kongelege samlingane. Fleire av draktene har gått i arv i kongefamilien.

Flere kulturnyheter