Her riv Barbie av seg hovudet

Canadiske Dina Goldstein vart inspirert av sin dotter, som leika med Barbie-dokker og Ken'ar, til å lage ein fotografiserie kalla «In The Dollhouse», eller «I Dokkehuset».

Goldstein har alltid lurt på kven Ken er. Er han mannen? Kjærasten? Berre ein ven eller «arm candy», altså trofémann?

Ho bestemte seg for å lage sin eigen fantasiforteljing om det ikoniske paret.

– Fotoserien «I dokkehuset» utforskar dei ikkje så perfekte liva til B og K, seier Goldstein.

– B er den mest suksessrike dokka i heile verda. Partnaren hennar K derimot strevar med å finne ut av sin seksualitet og er fanga i eit kjærleikslaust ekteskap, seier ho.

• LES OGSÅ: Dette er ikke fotografier, men malerier

Kjønnsroller

Prosjektet ser også på kva som skjer med kjønnsrollene i det moderne samfunnet.

– Prosjektet mitt utforskar ein subkultur av menneske som avviser kjønnsroller. For å illustrere dette har eg analysert eit populært leiketøy og «mannen» hennar, seier Goldstein.

Barbie og Ken er framleis populære leiketøy, og har overlevd tiår med kulturell evolusjon.

– Barbie har blitt kritisert for å vere anti-feminist og ein urealistisk rollemodell. Men trass kritikken har ho blitt den mektigaste dokka i heile verda, seier Goldstein.

– Ken er ein flamboyant mann som har forandra seg til det me i dag vil kalle ein metroseksuell mann. Han er motsetninga til den muskuløse og übermannlege G.I. Joe, fortel ho om rollefigurane sine.

• LES OGSÅ: Flyttar grensene for kva eit fotografi kan vere

Sprekkar i fasaden

Det er ikkje så lett å vere korkje Barbie eller Ken, ifølgje fotoserien.

– Me får innsyn i dagleglivet til desse karakterane, og deira eksistens i eit samfunn i stadig endring. Etter tiår i ein påtvungen partnarskap må B og K sjå nøye på liva sine i dokkehuset, seier Goldstein.

– Dei utforskar sine redslar og hemmelege begjær. Som alle andre må dei til slutt sjå sanninga i augo og takle konsekvensane, seier ho.

• LES OGSÅ: Dette er ikke fotografier – det er tegninger!
• LES OGSÅ: Bruker råtten mat til å lage sci-fi-kunst

Sjå video av korleis «In The Dollhouse» vart laga.

Vil du sjå fleire alternative Barbie-historiar kan du ta ein titt på bileta til fotografane Marie Clayton og Sarah Haney.