Etter 54 år blir doktoren kvinneleg

Den evigvarande BBC-serien «Doctor Who» får endeleg sin første kvinnelege doktor. Skodespelar Jodie Whittaker skal ta over etter Peter Capaldi.

Jodie Whittaker

Jodie Whittaker er blir den første kvinnelege doktoren i BBC-serien Doctor Who.

Foto: Joel Ryan / AP

Dette blir første gong ei kvinne har hovudrolla i serien, skriv BBC.

Identiteten til den nye doktoren blei avslørt i ein direktesendt trailer mot slutten av herrefinalen i tennisturneringa Wimbledon.

Der blei det klart at engelske Jodie Whittaker, mellom anna kjend frå TV-serien «Broadchurch» blir den nye doktoren i den tradisjonsrike serien.

– Det er meir enn ei ære å få spele doktoren. Det vil seie å hugse alle eg brukte å vere, samstundes som eg omfamnar alt doktoren står for: håp. Eg kan ikkje vente, seier den 35 år gamle skodespelaren til BBC.

Whittaker skal ta over etter skotske Peter Capaldi, som har vore i rolla sidan 2013. Ein «julespesial» vil bli den siste episoden til Capaldi.

Serien «Doctor Who» handlar om ein tidsreisande ved «The Doctor». Doktoren reiser i tid og rom saman med følgjesvennene i ein tidsmaskin som liknar på ei såkalla politiboks, som tidlegare fungerte som ein telefonkiosk for politiet.

Hovudrolla i serien kan gjenskape seg sjølv i ein ny kropp, noko som gjer det mogleg å endre skodespelarar i det uendelege.

Serien har heldt det gåande sidan 1963 og står framleis svært stødig i kulturlivet i Storbritannia.

Kulturstrøm

  • Heddaprisen til Helga Guren

    Helga Guren fra Rygge vant Heddaprisen for beste kvinnelige hovedrolle prestasjon i Østfold kulturutvikling sin oppsetning av «Dritt // La merda».
    Heddaprisen deles ut årlig for fremragende prestasjoner innen norsk scenekunst

    Et dukkehjem på Rogaland Teater
    Foto: Stig Håvard Dirdal
  • Drakt satte auskjonsrekord

    En drakt som tilhørte baseballegenden Babe Ruth er solgt for 5,64 millioner dollar, som er over 49 millioner kroner, ny rekord for samlerobjekter fra sport. Auksjonen på Yankee Stadium lørdag ble historisk, melder CBS New York. Ruth trakk seg fra profesjonell baseball i 1937 og døde i 1948 (NTB).

  • Stein Winge fikk ærespris

    Regissør Stein Winge fikk Heddakomiteens ærespris under norsk teaters store festkveld på Det Norske Teatret i kveld. Winge ble hyllet for sitt mot til å tenke stort og nytt, skriver juryen.

    Heddaprisen 2019.
    Foto: Vidar Ruud / NTB scanpix