Hør:
Nokre bil-ringar er meir eksklusive enn andre, og no kan ein britisk luksus-variant vere på veg til Norge. I garasjen til the Classic Car Club glitrar og skin det i krom og blank lakk, - her får du ikkje berre eit køyretøy, du får òg velvære, komfort, klasse og eleganse.
Dyr luksus
Dei fleste bilringar har medlemmer som anten ynskjer å spare pengar, eller som vil spare miljøet ved å dele ein bil med fleire andre. Det er ikkje tilfellet med Classic Car Club. Der står køyreglede og bilinteresse i høgsetet, og mot å betale 40-50 000 kroner i året kan du velje blant luksuriøse og klassiske bilar.
Som det heiter på heimesida deira: 'Så fort du kjem til klubben, blir du desperat etter å køyre derifrå.'
Vil til Norge
Classic Car Club blei starta for 12 år sidan av tre kompisar i ein garasje i London. I dag har klubben avdelingar i London, Glasgow, Edinburgh, Manhattan og København. I London kan du velje mellom 50 bilar, blant anna ein Mercedes 230 SL frå 1965, ein Ford Mustang frå 1969, ein Porsche 911 T, ein Maserati, Ferrariar, Jaguarar, Rolls Royce, Bentley, mm..
No ynskjer Classic Car Club å starte ei avdeling i Norge, og dei er i kontakt med aktuelle samarbeidspartnerar. Går alt etter planen kan du bli medlem av norske CCC alt neste år.
Hør:
Norgesglasset NRK P1