To gongar kvar veke samlast rundt 30 personar og ryddar på og langs turvegane i det populære friluftsområdet. Leiaren for gjengen er Børre Liland.
Liland har fått kongens sølv for arbeidet som verkeleg viser att i terrenget.
Vi fekk vere med
Dugnadsgjengen på Fløyen er ei underavdeling av
. Denne veka fekk Norge Rundt vere med på Fløyfjellet i Bergen, og der måtte sjølv programleiaren ta del i arbeidet.Løyser alle problem
Vi finn alle typar yrkesbakgrunn hjå dei som er med. I matpausane går praten lystig rundt leibålet, og det er ikkje eit problem dei ikkje kan løyse.
AFP (avtalefesta pensjon) har vore - og ér eit varmt tema om dagen, då det er fleire som trer inn i pensjonistrekkene. Sjølv om vi finn både direktørar og fabrikkarbeidarar i gjengen, så er alle like når uniforma kjem på.
Open soning
Av og til får dei spørsmål om kva gjeng dette er, og svara set laust. Ein gong vart det pronto svart at det var ein gjeng som har open soning.
Eit enormt arbeid
At denne glade gjengen viser att i terrenget er det ingen tvil om. Og arbeidet dei og andre gjer for at den glade vandrar skal ha ei stor naturoppleving, vert kansje ikkje sett nok pris på. Hadde det ikkje eksistert slike folk som tar i eit tak for at vi skal ferdast trygt og godt ute i naturen, så hadde det merkast. Sjølv over små elvar og på myrjord viser arbeidet til dugnadsgjengen att.
Høg utmerking
Den høgaste utmerkinga til dugnadsgjengen på Fløyen er caps. Når programleiaren gjer utallige forsøk på å gjere seg fortent til ein slik, er det ikkje noko medynk å få. Her må ein minst ha vore med fleire gongar, og så vert insatsen teken opp til vurdering.
Send ein varm tanke
Det er all mulig grunn til å vere stolte av ein dugnadsgjeng. Tenk på det neste gong du går på ein sti eller over ei myr der gjengen har gjort arbeid. Mange stader i landet finn vi slike entusiastar - og godt er det!
Men det er óg andre som nyt godt av arbeidet: Kvar vår rensar dei rundt 50 fuglekassar som dei har sett opp. Ikkje rart at fuglesongen er ekstra lystig på Fløyen i Bergen. Takk for ein fin dag med gjengen og lukke til vidare med viktig arbeid. God helg