Louis Vuitton saksøkte Nadia Plesner grunna det kontroversielle maleriet «Darfurnica», som viser ein sveltande gut med ei veske av det eksklusive merket over armen. Plesner er no pålagt å betale dagbøter på 37.000 danske kroner, dersom ho stiller ut eller viser maleriet på heimesida si.
- Les:
Skuldar 190.000 Euro
– Dei har telt dagar sidan 28. januar, så for augenblinken skuldar eg dei meir enn 190.000 Euro, skriv Plesner på si heimeside.
– Eg høyrde om dette søksmålet først då eg fekk rettsavgjerda. Eg har difor ikkje hatt sjanse til å forsvare meg. Dette er eit klart brot på min ytrings- og kunstnarfridom, skriv ho.
Ho vil saman med advokaten sin i løpet av denne veka prøve å få omgjort rettsavgjerda.
– Det er ein karikatur
«Darfurnica» viser folkemordet i Darfur og kommenterer mediedekninga av kjendisar kontra katastrofar.
– Louis Vuitton hevdar at deira produkt inngår i mitt maleri, men eg meiner at det er snakk om ein karikatur av ei veske. Den er berre ein mikroskopisk del av mitt 32 kvadratmeter store maleri, som er ei oppdatert utgåve av Picasso sitt «Guernica», uttaler Plesner til Politiken.
(Artikkelen held fram under biletet)
– Ingenting med ytringsfridom å gjere
Louis Vuitton er mildt sagt misfornøgde med samankoblinga av folkemordet i Darfur og deira merkevare.
– Sjølv om Louis Vuitton ikkje har nokon forbindelse med folkemordet i Darfur, blir det skapt ein link mellom Louis Vuitton og deira produkt på den eine sida og situasjonen i Darfur på den andre, skriv advokatane til firmaet i søksmålet, ifølgje Politiken.
– Dette har ingenting med ytringsfridom å gjere, meiner motegiganten.
Høyr Kulturnytts Sondre Bjørdal rapportere frå Danmark:
Stoppa t-skjorte-sal
Det er ikkje første gong at Nadia Plesner, som studerer kunst i Nederland, er i klinsj med Louis Vuitton.
I 2008 selde ho t-skjorter til inntekt for Darfur, også då med guten og veska på armen som motiv. Men eit høgt erstatningskrav frå det internasjonale motemerket stoppa salet av t-skjortene.
- Les:
Samlar inn pengar
– Det er ikkje Louis Vuitton som skal diktere kva kunstnarar skal eller ikkje skal male, seier Plesner.
Reaksjonane på rettsavgjerda er sterke i det danske kunstmiljøet. Kunstmuseet i Herning, Heart, vil gjerne stille ut maleriet, skriv
No er den danske kunstnaren i gang med å samle inn pengar på heimesida si, for å halde fram kampen mot motehuset.