NRK Meny
Normal

Domingo fyller 70 i full fart

Spanske Placido Domingo fyller i dag 70 år som operaverdas største stjerne, og mottoet hans er framleis «kviler eg, rustar eg». NRK møtte Domingo på heimebane i Madrid.

Placido Domingo

Placido Domingo feirar bursdagen sin i Teatro Real i Madrid, nokre steinkast frå der han vart fødd 21. januar 1941.

Foto: Javier Soriano / AFP

Domingo har vore med på meir enn 3500 førestillingar og hatt 130 hovedroller på operahus over heile verda. I dag bur Domingo i Mexico, men songaren skal feire dagen i fødebyen Madrid, der NRK møter han under ein pressekonferanse like før den store dagen.

– Lidenskapen er drivkrafta

Domingo har akkurat no rolla som Oreste i operaen Ifigenia i Tauris av Gluck, og kjem rett frå prøvene til intervjuet. Når han ikkje syng, er han kunstnerisk leiar for operaene i Los Angeles og Washington, i tillegg til at han dirigerer og komponerer. Kvar får han energien ifrå?

– Det er lidenskapen som er drivkrafta, seier Domingo.

– Når den tek slutt, er det over. Men dit har eg ikkje kome enno. Eg elskar operaen, og drar på øving lenge før eg må. Eg har aldri følt, «åh, i dag har eg ikkje lyst til å jobbe».

Les: Orfeus danser

Placido Domingo

Placido Domingo er framleis eit populært fotoobjekt. Her i Teatro Real, Madrid.

Foto: Lillian Olsen / NRK

Fødd like ved operahuset

Han vart fødd nokre steinkast frå operahuset Teatro Real, i Calle Ibiza. Foreldra var kjende songarar på Madrids zarzuela-teater. Og zarzuela, den særspanske operetteforma, var det første han lærte seg å synge.

– Akkurat her vil eg vere på min 70-årsdag, seier Domingo.

– I Madrid, i byen der eg vart fødd. Det er ei stor ære. Eg er jo fødd inn i teatret. Mor song før eg vart fødd, far min også. Eg har levd i teatret heile livet og har teatret inni meg.

Les: Klart for 3D-opera på tv og kino

Slo gjennom på 1960-talet

I 1961 hadde Domingo si første operahovudrolle i den meksikanske byen Monterrey, og same året hadde han sin USA-debut i Dallas. I løpet av 1960-talet etablerte han seg i verdstoppen, og før han fylte 30 år hadde han sunge både ved Metropolitan i New York og La Scala i Milano.

Her kan du høyre han synge og fortelje frå Verdi-operaen Ernani ved La Scala:

Video Placido Domingo syng og fortel frå Ernani

Placido Domingo debuterte ved La Scala i Milano i 1969. Videoen er frå 1982.

Søndag kveld sender NRK2 heile programmet som klippet er henta frå kl 21.10, i Hovedscenen: Placido Domingo 70 år.

Har sunge med Pavarotti og Kyrkjebø

Placido Domingo er ein av ytterst få operasongarar som er berømt også langt utanfor musikkentusiastane sine rekker. Han har delteke i mange ulike samanhengar; som i konsertar med «dei tre tenorane», i lag med Jose Carreras og Luciano Pavarotti, og i OL-hymnen i 1994, i lag med Sissel Kyrkjebø.

Her kan du høyre Musikkredaksjonens reportasje om Domingo:

Feirar med galla og overraskingar

Bursdagen skal Domingo feire i Madrid i kveld, med bursdagsgalla i Teatro Real. Han veit ikkje sjølv kven som skal synge – han likar overraskingar. Etter det skal han halde fram med å glede sitt publikum, blant anna i New York, Tokyo og Paris.

– Det er eit tett forhold mellom oss, mellom publikum og meg, seier Domingo, medan han senkar stemma og bøyer seg litt forover på barkrakken.

– Når du går på scenen må du gi frå deg alt, og gjere folk lukkelege, det er det einaste du skal tenke på. At publikum er der.

Sjå i nett-tv: Domingo syng under minnekonserten for Luciano Pavarotti

Kulturstrøm

  • Lauryn Hill til Oslo

    Artisten Lauryn Hill har lagt til 12 datoer i Europa på sin verdensturné. Nå er det klart at hun også gjør et stopp i Norge 11. desember i Oslo Spektrum. Turneen feirer 20 års jubileet til solodebuten hennes, «The Miseducation of Lauryn Hill». En del av billettsalget går til MLH Fund, som bidrar med støtte til prosjekter innenfor blant annet utdanning og helse ulike steder i verden (NTB). Youtuberen Nerdwriter lagde nylig denne hyllesten av platen.

    Lauryn Hill på Molde jazzfestival
    Foto: Vidar Ruud / NTB scanpix
  • Sammenligner Hjorth med Ferrante

    Det skorter ikke på godordene når Vigdis Hjorths roman «Arv og miljø» omtales av den britiske avisen The Guardian. Hjorth-romanen blir trukket fram av den britiske storavisen som en av de beste europeiske romanene som er på vei ut på det engelskspråklige markedet. Avisen omtaler boken som et kontroversielt familiedrama som har fått mye kritikerros hjemme, og spør om Hjorth kan bli den nye Ferrante på det engelske markedet. NRKs anmelder beskrev boka som rasende og klok, skjelvende og stringent da den kom, les anmeldelsen her (NTB/NRK).

    Vigdis Hjorth Arv og miljø
  • Malte Skei Grande på Listhaug-vegg

    Natt til onsdag kom et nytt gatekunstverk opp på stedet i Bergen der bildet av Sylvi Listhaug hang. Denne gang av kulturminister Trine Skei Grande (V). Det er ikke den samme gatekunstneren som står bak, skriver Bergens Tidende.