NRK Meny
Normal

Difor er «Farmen kjendis»- Lothepus macho

Lothepus er frå ein stad der kristendommen aldri fekk fotfeste. – Haugianarane blei kjeppjaga frå staden i si tid og bygda er full av heidningar og galningar, avslører kvinna bak TV2-serien «Fjorden Cowboys».

Lothepus

HARDHAUS: Leif Einar Lothe, kjent frå «Farmen kjendis» og «Fjorden Cowboys» begynte å sprenge dynamitt i barneskulealder.

Foto: Julia Marie Nagelstad

Duoen frå «Fjorden Cowboys», Lothepus, eller Leif Einar Lothe og Joar Førde, i tillegg til dokumentarskapar Hildegunn Wærness er gjester i laurdagens Lindmo. Der fortel dei om den skamlause staden, Sørfjorden i Hardanger.

I motsetning til store deler av Vestlandet er det fritt for bedehus i Sørfjorden. Lothepus hugsar ein barndom så godt som fri for reglar.

– Vi fekk stort sett gjera som vi ville, men vi måtte jobba frå vi var små. Eg var med å sprenge dynamitt frå eg gjekk på barneskulen, fortel Leif Einar Lothe.

– Er det slik at de ser på lovar, reglar og paragrafar litt meir som forslag?

– Eg trur ikkje alle reglar bør haldast, men det er vel eit forslag til korleis ein kunne oppført seg kanskje, bekreftar Lothepus.

Fjorden Cowboys

COWBOY-DUO: Joar Førde og Leif Einar Lothe er med i dokumentarserien «Fjorden Cowboys» på TV2.

Foto: JULIA MARIE NAGELSTAD

Denne vinteren har Leif Einar Lothe, blitt kjent for mange nordmenn som macho-hardingen med strikkegenser, som stakk av garde med sigeren i TV2s «Farmen Kjendis». Men han er også med i dokumentarserien «Fjorden Cowboys», der vi følgjer han og Joar Førde, to hardhausar frå Sørfjorden i Hardanger.

Hildegunn Wærness, opphavleg frå Stord, er kusina til Joar Førde i «Fjorden Cowboys». Som lita besøkte ho Sørfjorden kvar sommar.

– Det var hopping i høyet, mykje slåsting og spionering på dei vaksne som var heilt gale dei og. Vi begynte å drikke cider i litt vel ung alder, eg trur eg var tolv. Desse somrane er heilt fantastisk gode minner for meg, fortel Wærness.

Hildegunn Wærness

DOKUMENTARIST: Hildegunn Wærness står bak dokumentarserien, «Fjorden Cowboys», der Leif Einar Lothe og Joar Førde er hovudpersonar.

Foto: JULIA MARIE NAGELSTAD

Etter å ha utdanna seg til dokumentarfilmskapar tok Wærness med seg kamera og drog tilbake til Sørfjorden. At Leif Einar Lothe og Joar Førde blei hovudpersonane i dokumentarserien var ikkje tilfeldig.

– Sørfjorden bidreg til å skape spesielle folk. Det er fullt av galningar og raringar i denne bygda, men eg syns Leif Einar og Joar representerte best det eg hadde lyst å fortelja, seier Hildegunn Wærness.

– Er det noko spesielt med folk ifrå Sørfjorden?

– Ja! Det vil eg seie. Det er den blandinga av at folk er skamlause, fandenivoldske, det er industri som møter bondekultur, kombinert med at det er langt til næraste by.

– Etter Farmen kjendis har folk hissa seg opp og kallar Lothepus ein macho-mann. Du som har følgt Leif Einar Lothe så mykje, kva slags personlegdomstrekk er det som dominerer denne fyren?

– Eg syns at Leif Einar er ein kjempesnill kattepus. Han treng nokre gode klemmer innimellom, avslører Wærness.

– Ikkje øydelegg heile imaget mitt nå for faen, skyt Lothe inn.

– Vil du kvittere på dette?

– Nei langt ifrå.

Kulturstrøm

  • Michael Jackson på Broadway

    En musikal inspirert av livet til Michael Jackson og med sanger fra hans rikholdige katalog åpner på Broadway i 2020. Musikalens handling skal føres i pennen av Lynn Nottage, kjent for å skildre marginaliserte mennesker. Nå gyver hun løs på Michael Jacksons liv, sammen med regissøren og koreografen Christopher Wheeldon. (NTB)

    Michael Jackson
    Foto: Nyhetsspiller
  • LHBT-handling kuttet fra actionfilm

    Den kinoaktuelle skuespilleren Danielle Pineda fra «Jurassic World: Fallen Kingdom», forteller til talkshowet Build at hennes rollefigur Zia Rodriguez egentlig er lesbisk. Replikken som avslørte det i filmen ble derimot kuttet på grunn av tidspress, forteller hun, ifølge Hollywood reporter.

    Mann sikter gevær mot dinosaur
    Foto: United International Pictures
  • Prince-arvinger bryter med Tidal

    Etter planen skulle musikktjenesten Tidal få eksklusiv rett til å strømme et nytt album i 14 dager når et nytt Prince-album slippes i 2019. Men etter Dagens Næringslivs avsløringer rundt triksing med strømmetjenesten, ønsker arvingene etter Prince å bryte kontrakten, ifølge nettstedet TMZ. Lyttertallene til Kanye West og Beyoncé på Tidal skal være manipulert med flere hundre millioner falske avspillinger, og kan bety dødsstøtet for Tidal, mener musikkjournalist Asbjørn Slettemark. Artisten Prince ble funnet død en heis i hjemmet sitt 21. april 2016.

    Prince på The purple rain-turne
    Foto: Nancy Bundt © PRN Music Corp.

Flere kulturnyheter