Det beste av norsk dokumentarfoto

Dei vil portrettere menneske som søv, Volvo-bilar, norske kommunar og tenåringsjenter. Ti norske fotografar er plukka ut til Norwegian Journal of Photography. Sjå kvifor her.

Organisasjonen Norwegian Journal of Photography (NJP) og Fritt Ord skal i 2012 gje ut den første utgåva av ein norsk fotojournal.

Dei har plukka ut ti fotografar som får støtte til å gjennomføre fotoprosjekt. Målet er å få eit internasjonalt fokus på norsk dokumentarfoto.

– Fotografane held internasjonal klasse, men er enno ikkje så godt kjende utanfor Noreg. Det vil vi gjere noko med, seier Rune Eraker, redaksjonsleiar i NJP.

Innholdet som skulle vises her støttes dessverre ikke lenger.
Innholdet som skulle vises her støttes dessverre ikke lenger.

– Signaturane er lette å kjenne att

– Gjennom denne boka vil ein få eit innblikk i korleis dyktige norske dokumentarfotografar jobbar og byggjer opp historier. Vi har lagt vekt på å få med forskjellige fotografar, frå dei med eit tradisjonelt uttrykk til det meir kunstprega, fortel Eraker.

(Artikkelen held fram under biletet)

Eivind H. Natvig

'Oslo, Norway, 17.05.09' av Eivind H. Natvig.

Foto: Eivind H. Natvig/MOMENT

Organisasjonen fekk inn 80 søknadar til prosjektet.

– Fotografane vi har valt har alle eit eige uttrykk og signaturane deira er lette å kjenne att. Det er både folk som har jobba i mange år og unge fotografar som har gjort seg gjeldande med sterke visuelle uttrykk, seier Eraker.

Søvnige foto

Marie Sjøvold er ein av fotografane som skal bidra i boka. Ho har bestemt seg for å portrettere menneske når dei søv. Tidlegare har ho portrettert seg sjølv og kjærasten sovande.

– Det å vere til stade i natta til andre er veldig interessant. Det handlar om å skape eit portrett, ikkje å blottleggje mennesket, seier ho.

Prosjektet er i startfasen, og Sjøvold tenkjer i første omgang å portrettere ulike menneske rundt om i Noreg. Så langt har tilbakemeldingane vore gode frå dei ho har spurt om å delta.

– Folk er interessert, dei lurer på korleis dei ser ut når dei søv og kva som skjer rundt dei på den tida av døgnet, fortel fotografen.

(Artikkelen held fram under biletet)

Marie Sjøvold

Sjølvportrett av Marie Sjøvold.

Foto: Marie Sjøvold

Volvo og kvardagsliv

Fotografane som er valt ut er Eivind H. Natvig, Linda B. Engelberth, Ingrid Vaale Arnesen, Monica Larsen, Andrea Gjestvang, Karin Beate Nøsterud, Helge Skodvin, Ellen Lande Gossner, Marie Sjøvold og Oddleiv Apneseth.

Dei vil mellom anna ta for seg kvardagslivet i Noreg, romfolkets liv og tradisjonar, identitet og tenåringsjenter, avstandsmødre, ungdomar i Aust-Finnmark, alderdom, Volvo-bilar, diakonisser og teater.

Det vil bli lagt ut smakebitar frå arbeidet utover på heimesidene til NJP. Det endelege resultatet kjem i bokform i 2012.

Kulturstrøm

  • Stormzy utstilles Madame Tussaud

    En voksfigur av rapstjernen Stormzy blir Madame Tussauds nyeste tilskudd. Den annonserte det verdensberømte London-museet selv på Twitter mandag.

  • – Ytringsfrihet må veie tyngst

    EUs digitale lover må sikre medienes uavhengighet, sier Medietilsynet. Lovforslagets formål er vel og bra, ytrings- og pressefrihet må tillegges stor vekt, mener direktøren.

    – Desinformasjon og hatefulle ytringer kan være svært skadelig selv når den er innenfor loven, men risikoen i å gi for store fullmakter til å fjerne innhold, er etter vår vurdering for store. Hensynet til ytringsfriheten må veie tyngst, sier direktør Mari Velsand.

    Lovforslaget har som mål å viske ut juridiske skiller mellom varer, tjenester og innhold som tilbys online og offline, styrke den digitale konkurransen og øke brukernes sikkerhet på nett.

    Ambisjonen er å gjøre avstanden mellom mediebrukere og aktørene bak sosiale medier-tjenester mindre. Blant annet skal nasjonale myndigheter kunne kreve at ulovlig innhold fjernes raskere.

    – Loven bør tydeliggjøre at redaksjonelt innhold ikke skal kunne fjernes, verken av aktører som står bak sosiale medier eller av nasjonale myndigheter, sier Velsand.

Flere kulturnyheter