Snoop Doog leiger buss
Snoop Dogg vil gjerne hjelpe sitt amerikanske fotballag Chino Hills Bulldogs. Nyleg leigde rapparen ein 18 meter lang buss for å frakte laget til ein viktig kamp.
Snoop er også ein av trenarane for laget, som under hans leiing har gjort det beste resultatet i laget si historie. Laget består av 8- og 9-åringar som Snoop Dogg meir enn gjerne vil stille opp for.
Søndag spelte Chino Hills Bulldogs i ligaens Super Bowl på Elsinore High School in California. – Det handlar om kjærleik for sporten og ikkje minst for ungane, seier Snoop Doog til allhiphop.com.
Master P og andre hip hop-artistar i USA blir sponsa av ein potetgullfabrikk. Foto: masterp.com.
Hip hop-crisp
Ei rekkje av Universal sine hip hop-artistar har signert ein sponsoravtale med ein større potetgull-fabrikant i USA. Fabrikanten lagar blant anna potetgullet "Rap Snacks".
I tida som kjem vil du truleg sjå rapparar som Mack 10, The Big Tymers, Master P og Warren G ete potetgull på scena. I staden for leskedrikkande brus, skal rapparane reklamere for potetgullet.
"I dag reklamerer alle for alt mulig som til dømes sigarettar og alkohol. Kvifor ikkje la seg sponse av potetgull, seier produktmanager for Universal Records Eve Marsan.
(allhiphop.com)
Daniel Bedingfield er vekas nummer 1 i England. Foto: www.danielbedingfield.com.
Bedingfield på topp igjen
Den britiske popsjarmøren Daniel Bedingfield går nok ein gong inn på toppen av dei britiske singellistene. For andre gong er Bedingfield på topp, denne gongen med sin nye singel "If You're Not The One".
Bedingfield toppa listene for vel eit år sidan med clubhiten "I Gotta Get Thru This". Utruleg nok blei låten laga heime på guterommet i Lewisham, sør i London med ei datamaskin til 10 000 kroner og ein mikrofon.
22-åringen toppar no singellista i England føre Christina Aguilera og "Dirty". På toppen av albumlista ligg sjølvsagt Robbie Williams med sitt nye album "Escapology"
Røyksopp skyt mot norsk musikkpresse. Foto: mute.no.
Røyksopp kritiserer journalistar.
I det nyaste nummeret av musikkmagasinet Mute seier Röysopp medlem Svein Berge at norske journalistar nærmast fungerer som haleheng for engelske musikkaviser.
- Det ser ut som om media har heilt klare målestokkar for det å ha suksess, at det er kor mange oppslag du har hatt i NME og The Wire som viser kor god du er. Nedturen i norsk musikkpresse kjem vel når Bibelen deira, NME, seier noko stygt om eit eller anna norsk, seier Berge.
Han er heller ikkje imponert over norsk musikkbransje sin kunstnariske kredibilitet. Han meiner det er berre Bergens-selskapet Tellé som fortener eit kred-stempel.
(MUTE)
Julesongen til D.D.E. blir brukt av Den Norske Opera på si juleplate. Foto: Knut Fjeldstad / SCANPIX.
Den Norske Opera syng D.D.E
Den Norske Operas kor, orkester og solistar slepp juleplata "Hjem til jul" - som blant anna inkluderar ein song signert D.D.E.
Tradisjonelle julesongar som "Glade jul", "Deilig er jorden"og "O, hellige natt" er inkludert på plata - side om side med nyare julesongar som Oslo Gospel Choir sin "En stjerne skinner i natt", Halvdan Sivertsen si "Josef julevise" og D.D.E. sin song "Et ord vart lys".
Kuriøst er det også at plata har gjennomgåande nordnorsk aksent, då alle åtte solistane kjem frå Nordland fylke.