Coca-Cola vil ha Irving-forklaring

Brusgiganten annonserer tungt på TV2, og reagerer på kanalens sponsing av den kontroversielle forfattaren.

David Irving

David Irving fekk stor mediemerksemd under opphaldet i Noreg.

Foto: MARKUS LEODOLTER / AFP

Mandag kom det fram at TV2 hadde sponsa reise og opphald for David Irving, for å intervjue han i programmet Tabloid.

I Oslo var det store demonstrasjonar då forfattaren, som er kjent for å ha fornekta Holocaust , kom til TV2-huset.

No reagerer også Coca-Cola, ein av TV2s største annonsørar.

Verdas største brusprodusent vil ha eit møte med TV2 for å få klarlagt kanalens redaksjonelle vurderingar.

- Handlar om merkevarebyggjing

Stein Rømmerud, Coca-Cola

Stein Rømmerud i Coca Cola Norge.

Foto: Coca-Cola

- Vi vil ha dialog med TV2 om denne saka her. Vi synest det er naturleg å spørje dei om kva som ligg bak, og så får vi gjere oss opp ei meining i kjølevatnet av det, seier kommunikasjonsdirektør i Coca-Cola Norge Stein Rømmerud.

Han presiserer at Coca-Cola ikkje kjem til å boikotte TV2, eller leggje føringar på innhaldet til kanalen.

- Vi er ein fleirkulturell arbeidsplass, og har sjølvsagt notert oss denne saka. Vi vil ta den opp med TV2, men vi endrar ikkje marknadsplanane våre utan å ha dialog med TV2 først.

- Kvifor er det viktig for Coca-Cola å ta denne samtalen?

- Vi er veldig medvitne kva medier vi marknadsfører oss i, dette handlar om merkevarebyggjing.

- Villspor

Trond Blindheim

Trond Blindheim, rektor ved Markedshøyskolen.

Foto: Markedshøyskolen

Rektor ved Markedshøyskolen, Trond Blindheim, meiner Irvings besøk i Norge hadde stor nyheitsverdi, og at det er heilt vanleg at tv-stasjonar betalar reiseutgiftene til gjestane sine.

- Her er Coca-Cola på eit formidabelt villspor. Det er ikkje slik at ein marknadssjef i TV2 eller ein av annonsørane kan leggje seg opp i den redaksjonelle linja til eit medium.

- Men er det ikkje greitt at Coca-Cola ber opp eit møte?

- Nei, det synest eg er det dummaste eg har høyrt. Vi har ei grunnlov i dette landet som stadfestar at det er ytringsfridom for alle. Mediene er ikkje først og fremst til for å overbringje ein kommersiell bodskap frå aktørar som Coca-Cola.

- Ingen følgjer for Tabloid

Marianne Røiseland, informasjonssjef TV2

Marianne Røiseland, informasjonssjef i TV2.

Foto: Bjørn Erik Larsen / Bjørn Erik Larsen

Informasjonssjef i TV2, Marianne Røiseland seier at TV2 ikkje kan la annonsørar bestemme over innhaldet.

- Vi snakkar med dei fleste vi. Men vi kan nok ikkje leggje veldig stor vekt på kva ein annonsør meiner.

Røiseland vil ikkje spekulere i korleis kontroversen rundt Irving-sponsinga påverkar kanalen.

- For det redaksjonelle innhaldet i Tabloid får det nok ingen følgjer.

- Men for TV2?

- Det vil eg ikkje gå inn og spekulere i.

NRK har snakka med ei rekkje av TV2s annonsørar. Dei ønskjer ikkje å kommentere TV2s redaksjonelle avgjerd om å intervjue David Irving.

Kulturstrøm

  • Filmpolitiets guide til HBO-seriene

    «Better Things» og «Billions» er blant seriene Filmpolitiet mener du absolutt ikke bør bla forbi i HBO Nordic-spilleren. Hør hvorfor, og hvilke andre serier du bør få med deg her:

    Det kan være vanskelig å finne frem i seriejungelen, og jungelen hos HBO Nordic er tett. Vi vet om noen skatter du absolutt ikke bør bla forbi! Her snakker vi ikke om de mest opplagte seriene som for eksempel «Game of Thrones» og «Fargo», men har funnet frem noen av våre favoritter som har gått litt under radaren for mange. Vi tar for oss «The Magicians» (2 min), «Better Things» (9 min), «Billions» (15 min), «Tales from the Tour Bus» (24 min), «The Leftovers» (31 min), «Mr Inbetween» (39 min), «Killing Eve» (46 min).
  • Skuespilleren Bruno Ganz er død

    Den sveitsiske skuespilleren Bruno Ganz er død, 77 år gammel. Ganz ble født i Zürich, hvor han også døde lørdag. Det skriver blant annet Deutsche Welle. Ganz er blant annet kjent for rollen som Adolf Hitler i den Oscar-nominerte filmen Der Untergang i 2004, en rolle han høstet en rekke priser for. (NTB)

    Bruno Ganz
    Foto: Erlend Aas / NTB scanpix
  • Oscar-akademiet snur

    Etter protester i Hollywood går Oscar-akademiet bort fra planen om å spare sendetid ved å dele ut fire priser i reklamepausene. Et åpent brev signert av 100 filmskapere sier det er en fornærmelse mot viktige fagfunksjoner å ikke inkluderes i sendingen. Det var prisene for kinematografi, redigering, kortfilm og hår og makeup som var planlagt skjøvet under reklamen.

    Oscarstatuetten
    Foto: Skjermdump