Sidan 1. februar har over 1 million husstandar vore utan Discovery-kanalane fordi forhandlingane mellom Canal Digital og Discovery om kor mykje tv-kanalane skulle koste, braut saman.
No har partane blitt samde om ein ny avtale. Og seier at dei no har lagt striden bak seg. Forhandlingane gjekk føre seg til det siste, og avtalen blei signert kvar på seks i dag tidleg. Den nye avtalen omfattar også Tippeligaen, som Discovery har kjøpt frå 2017.
Meir og billegare fotball
Sesongpremieren på programmet til Petter Schjerven mista mange sjåarar denne veka.
Foto: Ruud, Vidar / NTB scanpix– Vi skal gjere norsk fotball tilgjengeleg for fleire. Når vi startar sesongen i mars 2017, skal fleire kampar enn i dag gå utanfor betalingsmuren, sa sjef for TVNorge og Discovery Networks, Harald Strømme, på ein pressekonferanse i dag.
Samtidig lovar Strømme at dei kampane som går på betalkanalar skal bli billegare enn dei er i dag.
– I tillegg til fotballen, vil denne avtalen også seie at vi kan halde fram med å investere i norsk innhald, seier Strømme.
Krevjande forhandlingar
Striden har vore krevjande for begge partar. Discovery har tapt både pengar og sjåarar medan striden har pågått. Og mange av kundane til Canal Digital har ønska å seie opp tv-avtalen, noko Forbrukarombodet oppmoda selskapet til å følge.
Canal Digital vedgår at dei har mista kundar som følge av striden. Men administrerande direktør Ragnar Kårhus håper å vinne desse tilbake:
Ragnar Kårhus i Canal Digital trur kundane vil bli nøgde med den nye avtalen.
Foto: Holm, Morten / NTB scanpix– Vi har fått ein god avtale for våre kundar. Og vi vil ta tak i dei moglegheitene denne avtalen gir, og utvikle eit produkt som gjer at dei kan sjå programma kor og når dei vil.
Blir dyrare
Den nye avtalen vil også seie at kanalane til Discovery blir dyrare for kundane til Canal Digital. Men kor mykje dyrare, vil ikkje Kårhus seie noko om no.
– Det er for tidleg å seie noko om kor stor prisauken blir. Vi jobbar no med å setje saman eit nytt produkt. Når det er klart, håper og trur vi at kundane vil sjå at prisen er rett.
Avtalen mellom Discovery og Canal Digital er ein langsiktig avtale, men ingen av partane vil seie kor lang tid avtalen gjeld for.
