Boyband kjempar mot zombiar i ny film

Medlemmar frå boybanda Backstreet Boys og N Sync jaktar på levande døde, zombiar, i den komande filmen «Dead 7».

US-BALMAIN-X-H&M-COLLECTION-LAUNCH---PARTY

Backstreet Boys har gått saman med andre boyband frå 90-talet for å lage zombie-film

Foto: Nicholas Hunt / Afp

Manuset til filmen er skrive av Nick Carter i Backstreet Boys saman med Sawyer Perry. Carter har også ei rolle i filmen. Regien er ved Danny Roew, skriv nettstaden movieweb.no.

Zombie-western

«Dead 7» handlar om ein lurvete gjeng med revolvermenn som går saman for å stoppe ein invasjon av zombiar i det ville vesten. Og traileren for filmen blei sleppt på nettstaden Buzzfeed torsdag.

Filmen skulle, ifølge filmdatabasen Imdb, opphavleg heite «Dead West», men bytta etter kvart namn til «Dead 7». Det er b-filmspesialistane The Asylum som har produsert filmen, som blei spelt inn i Montana i løpet av ein dryg månad i fjor.

Populære boyband

I tillegg til Carter står fleire av medlemmane frå boybanda Backstreet Boys, N Sync, 98 Degrees, O-Town og All-4-One på rollelista. Frå midten av 90-talet var banda blant dei største stjernene i popen. Til saman har dei seld over 230 millionar plater på verdsbasis, og er framleis aktive også musikalsk. Backstreet Boys var i Norge seinast i 2014 då dei spelte i Kristiansand.

Men N Sync-medlemmen som kanskje har mest erfaring som skodespelar, tidlegare frontfigur Justin Timerblake, er ikkje med i filmen. Han har i tillegg til skodespelarkarrieren, vore svært suksessfull solokarriere innan musikken. Og ifølge Instagramkontoen hans er han no i studio med Pharrell Williams:

View this post on Instagram

Currently...

A post shared by Justin Timberlake (@justintimberlake) on

Filmen er laga for det amerikanske kabel-tv-selskapet Syfy som har spesialisert seg på sjangrar som science fiction, fantasy og skrekkfilm. «Dead 7» har premiere fredag 1. april.

Kulturstrøm

  • Fiolinist vil gi bort 700 tonn stål

    Den nederlandske fiolinisten og orkesterlederen André Rieu har noen stillas til overs etter en konsert, som han gjerne vil donere til restaureringsarbeidet med Notre Dame, skriver The Strad. 700 tonn stålstillas ble brukt da han gjenskapte Wiens slott Schönbrunn i nær naturlig størrelse som scenebakgrunn til en konsert i kjent overdådig stil.

    Laster Twitter-innhold
  • Liste over mest innflytelsesrike

    Årets liste fra Time Magazine over verdens mest innflytelsesrike personer er offentliggjort. Svenske Greta Thunberg som har fått unge i hele verden med på skolestreik for klimaet er blant lederne på listen. Ariana Grande og Glenn Close (bildet) er blant kunstnerne. I år er det også en arkitekt med på listen, Jeanne Gang, leder av Studio Gang i Chicago.

    Glenn Close
    Foto: CHRISTIAN HARTMANN / Reuters