Hopp til innhold
Anmeldelse

Sterkt om kjøt på kroppen og tallerkenen

Det er uklårt for meg om denne romanen prøver å skremme folk frå å ete kjøt eller frå å bli vegetarianarar. Skremmande er han, i alle fall.

Sørkoreanske Han Kang

Han Kang er forfattaren bak den fascinerande romanen Vegetarianeren.

Foto: Gorm Kallestad / NTB scanpix

Sør-Koreas satsing på litteratureksport set etter kvart spor her til lands: Det blir stadig vanlegare å finne sørkoreansk litteratur i norsk omsetjing, og den Man Bookerprislønte romanen «Vegetarianeren» er faktisk andre roman på norsk av forfattaren Han Kang.

Handlinga er enkel å attfortelje: Ei ung, ganske anonym kvinne har ein ekkel, ja, avskyeleg draum om kjøt og blod. Dagen etter er ho blitt vegetarianar på sin hals. Familien er i opprør, og faren gjer eit mislykka forsøk på tvangsforing. Eg overdriv ikkje når eg hevdar at herifrå skrur det seg kraftig til.

Når kjøtet lengtar etter fotosyntesen

Historia blir fortalt av mannen, svogeren og søstera til den nyomvende vegetarianaren etter tur. Ho sjølv kjem berre til orde når ho fortel om draumen ho hadde: ei kort, men til gjengjeld uhyre sterk historie, som verkar ulikt på forteljarane: Der ektemannen meiner det har rabla for kjerringa, blir svogeren, som er videokunstnar med idetørke, fascinert. Og inspirert.

I ein uvanleg erotisk scene gjer han henne om til eit kunstverk, der ein trygt kan seie at kunst og liv glir over i kvarandre. Mens tredjeforteljaren, søstera, får den litt kjedelegare rolla som den som må prøve å forstå kva som skjer og halde seg sjølv og familien nokolunde samla.

Vi er etter kvart langt forbi diskusjonen om kjøt eller grønsaker på tallerkenen. Vegetarianaren Yeong-Hye er verken klimaideolog eller dyreven: Ho har hatt ein livsendrande draum som bringar henne så nær planteriket at det verkar som om det er like før fotosyntesen tek over kroppen hennar.

Gåtefull og assosiasjonsskapande

«Vegetarianeren» er ein merkeleg og altså skremmande roman: dels skildrar han med ekstrem presisjon det kroppslege over eit breitt spekter, frå det sensuelle til det fråstøytande. Dels varierer stilen frå det hyperrealistiske til det kyniske og over til det vart poetiske. Sjølv om det er enkelt å fortelje kva romanen handlar om, er det svært vanskeleg å gje seg inn på tolkingar.

Yeong-Hye er ei gåte som utan ord provoserer fram ei rekkje spørsmål, og ikkje minst assosiasjonar. Vi er alle kjøt. Men korleis skal vi omgåast alt det andre, av kjøt og plantar? Korleis skal vi finne ut av det med eigne artsfrendar? Seier draumane oss noko, eller er det best å passe seg for det som dukkar opp i sinnet når kontrollen er skrudd av? Og kva med dei romma poesien opnar for? Mykje er usikkert her. Men sikkert er det at innanfor arten skjønnlitteratur, er «Vegetarianeren» ein sjeldan plante.

Passar for deg som:

  • kjenner på at du kjenner for lite til sørkoreansk litteratur
  • taklar ubehag

Kulturstrøm

  • Sjette førsteplass på albumlisten for Ariana Grande

    Ariana Grande sikrer seg sin sjette førsteplass på den amerikanske albumlisten med sitt sjuende studioalbum.

    – En uke med evig solskinn, skrev Ariana Grande i helgen på Instagram – og siktet til suksessen som hennes sjette album, kalt nettopp «Eternal Sunshine», har.

    Utgivelsen solgte det som tilsvarer 227.000 albumenheter i sin første uke, noe som er årets beste hittil, ifølge Billboard. Blant annet ble låtene strømmet 195 millioner ganger. Den nye platen, som også topper VG-lista her hjemme, er laget i samarbeid med svenskene Max Martin og Ilya Salmanzadeh.

    Grande har tidligere toppet albumlisten med «Positions» (2020), «Thank U, Next» (2019), «Sweetener» (2018), «My Everything» (2014) og «Yours Truly» (2013). 2016-platen «Dangerous Woman» kom «bare» til en andreplass.

    Ariana Grande
    Foto: AFP
  • Fem land vil ha «Cammo»

    NRK har inngått opsjonsavtale med Tyskland, Frankrike, Spania, Belgia og Nederland om nyinnspillinger av dramakomedien «Cammo».

    Over 700.000 så første sesong av «Cammo». Serien handler om influenseren Cammo, som går konkurs og må ta på seg jobben som støttekontakt for Kamilla med Downs syndrom.

    – Dette er helt surrealistisk! At humoren og historien i «Cammo» kan treffe både spanjoler og tyskere er skikkelig gøy. Jeg gleder meg til å se hvordan de forskjellige landene tolker manus, og er så takknemlig og glad for at historien om Cammo og Kamilla potensielt skal bli fortalt til så mange millioner mennesker, sier Caroline Glomnes, serieskaper og hovedrolleinnhaver.

    Katelyn Garbin og Caroline Glomnes i rollene som Kamilla og Cammo.
    Foto: NRK