NRK Meny
Normal

Ber regjeringa gripe inn etter skuletrugsmål

Regjeringa må sette ein stoppar for at ungdom sender anonyme trugsmål til kvarandre på sosiale medium, meiner Geir Bekkevold i KrF.

Kippermoen ungdomsskole

EVAKUERT: Elevar ved Kippermoen ungdomsskole og Mosjøen videregående skole blei sendt heim etter trugsmål på nett i går.

Foto: Lars-Petter Kalkenberg / NRK

I går blei to nye skular evakuert etter anonyme trugsmål på det sosiale mediumet Jodel. Dette er eit program som gjer at du kan sende anonyme meldingar med mobiltelefonen din til andre brukarar som befinn seg i ein radius på ti kilometer.

– Uforståeleg

I haust blei også to skular i Vestfold og Telemark evakuert etter trugsmål på Jodel. I tillegg har politiet vore kopla inn i fleire saker der programmet har blitt brukt til trakassering. Og i Levanger blei Jodel stengt i dag å grunn av sjikane og nettmobbing, skriv Trønder-Avisa.

Iselin Kvalfors

SKREMMANDE: Iselin Kvalfors reagerer på at folk kjem med trugsmål på nett.

Foto: PRIVAT

Mosjøen vidaregåande skule, avdeling Kippermoen, var ein av skulane som blei evakuert i går. Nestleiar i elevrådet, Iselin Kvalfors, synest det er rart at nokon kan finne på å kome med slike trugsmål.

– Eg skjønar ikkje korleis nokon kan sitje og lage slike trugsmål og skremme andre folk over internett og sosiale medium. Det er ikkje berre ein spøk lenger. Du skremmer mange.

Vil ha tiltak

Geir Bekkevold

NOK ER NOK: Geir Bekkevold i KrF ber regjeringa gripe inn mot netthets.

Foto: Sven Håkon Kulbeck / NRK

Også nestleiaren i Familie- og kulturkomiteen på Stortinget, Geir Bekkevold frå KrF, meiner nok er nok, og krev at regjeringa grip inn.

– No bør barneministeren, kunnskapsministeren og justisministeren setje seg ned og sjå kva dei kan gjere. Kva arenaer kan ein setje inn gode tiltak på, slik at barn og unge kan lære litt meir om korleis dei kan bruke nettet.

Men leiar i komiteen, Svein Harberg frå Høgre, meiner ein i staden bør satse på haldningskampanjar.

– Eg synest at vi må ta ansvar alle sammen for å jobbe med haldningane våre. Det er framleis mykje som kan gjerast der.

I ein epost til NRK skriv marknadssjef Sarah Hernandez i Jodel at dei ser alvorleg på at programmet blir brukt til trugsmål og trakassering, og at dette er brot på brukarvilkåra.

Ho meiner det berre er eit lite mindretal som misbruker Jodel, og skriv at dei samarbeider tett med politiet i slike saker.

Kulturstrøm

  • Skryt til «Mission Impossible»

    Den nye «Mission Impossible»-filmen, som delvis er spelt inn i Noreg, får skryt av internasjonal presse. Det skriv VG. Rolling Stone Magazine, Los Angeles Times og Entertainment Weekly er blant dei som rosar filmen. Scena der Tom Cruise heng og dinglar utfor Preikestolen får mykje merksemd. Men Noreg er ikkje nemnt i filmen; fjellplatået er lagt til India.

    MISSION: IMPOSSIBLE - FALLOUT
    Foto: Paramount Pictures
  • Spillerom direkte frå Moldejazz

    Spillerom, NRK P2 sitt musikkprogram, sender live frå Moldejazz denne veka. I dag byr dei på live musikk og fuglekikking med hovudartisten Maria Schneider.

    Vi sender direkte fra Alexandraparken i Molde, der Moldejazz er i full gang. Programleder Tine Skolmen får besøk av aktuelle gjester og festivalmusikere på scenen. Dagens liveband: Ensemble Eliassen.
  • Ny studie om kvinner i film

    Mannlege kritikarar er meir skeptiske til filmar med kvinner i, enn kva kvinnelege kritikarar er, skriv The New York Times. Det viser ein ny studie frå San Diego State University. Studien tar for seg kritikkar publisert på nettstaden Rotten tomatoes. Forskarane finn at kvinnelege kritikarar i gjennomsnitt gir filmar med kvinner i ei vurdering på 74 prosent, medan dei mannlege kritikarane gir 62 prosent i gjennomsnitt til dei same filmane(stjerner og terningkast er gjort om til prosent i studien).