Det er komikar Bård Tufte Johansen som tek over når Jon Almaas gjer seg etter 17 år i programleiar-stolen i «Nytt på nytt».
Jon Almaas slutter i «Nytt på nytt»
– Det er ei ære å bli spurt, men det er klart ein gruar seg. Jon Almaas skal ha ære for å ha gjort Norges mest morosame og beste program i 17 år, så det handlar vel om å ikkje øydelegge for mykje, seier Tufte Johansen når vi treff han i London.
– Ja, som du seier, han har jo hatt dette programmet i 17 år, så det er vel ikkje så aller verst å hoppe etter han da?
– Det beste var om han heldt fram, men det er jo ingen som har noko å seie på at han vil gjere noko anna. Vi får berre applaudere han, og så har han sagt at han skal gje meg nokre tips da.
– Jon er kongen
Dermed er det eit ganske ferskt panel som skal styre «Nytt på nytt»-skuta framover. Pernille Sørensen tok over etter Ingrid Gjessing Linhave i februar 2015, medan Johan Golden fekk eitt år saman med Jon Almaas i programmet.
– Det har vore ei ære å jobbe med ein av Norges aller beste menn innanfor sitt fag. Jon er kongen, som Elvis. Så eg reknar med å sjå han i kvit paljettdress og sterkt overvektig, om ikkje så lenge, seier Johan Golden.
Pernille Sørensen synes det er trist at Jon Almaas nå forlater skuta.
– Jon er jo mr. Nytt på nytt, han er liksom både kaptein, styrmann, mast og kjøl på dette store skipet i studio, så det er klart vi er veldig lei oss for at han ikkje skal vere med programmet vidare.
Norges morsomste
Underholdningsredaktør i NRK Charlo Halvorsen seier det ikkje var eit vanskeleg valg når dei skulle velje Jon Almaas' arvtakar.
– Han er kanskje, ved sida av Jon Almaas, den morsomste mannen i Norge for tida, seier Halvorsen.
Tufte Johansen meiner Jon Almaas, som Norges beste programleiar, har lagt lista urimeleg høgt for den som overtek.
– Vurderte du å takke nei til programlederrollen i «Nytt på nytt»?
– Det ligg jo i vektskåla at det kan bli litt bråk. Men eg får berre kople av Twitter ein periode og jobbe på.
– Lurer du på om NRK spurte nokon før deg?
– Det er alltid sånn i bransjen at nokon kjem bort og seier at dei spurte meg og sånn. Viss Bård Hoksrud blei spurt før meg, så blir eg skuffa, viss ikkje, skal eg ta det med fatning.