Bård Tufte Johansen har fått korona

– Bård er ute på grunn av korona, og alle nærkontaktane hans er også i karantene. Det vil seie heile humor-Noreg, bortsett frå meg, seier Tusvik.

Denne veka tek ho over som programleiar for Bård Tufte Johansen i Nytt på Nytt, fordi Johansen har fått påvist koronavirus.

Humøret er framleis i godt hald

– Veldig kjedeleg å bli sjuk og ikkje kunna jobba, og litt nedtur å få covid når så mange andre får det.

– Det har blitt Tesla innan virus, spøker han.

Sjølv om det er kjedeleg å ikkje kunna jobba, er han trygg på at showet vil gå vidare.

– Det er også på tide at Nytt på Nytt blir leia av ei kvinne, viktig at NRK viser at også kvinner kan vere tilkallingsvikarar, vitsar Tufte Johansen.

– Alltid stas med Sigrid

Bonde Tusvik held fram på den spøkefulle linja til Tufte Johansen.

– Når ein middelaldrande mann plutseleg må vere vekke frå jobb, handlar det mest sannsynleg om metoo.

– Ho som meldte han for trakassering kan melda om at ho har det tungt, men skal klare å kome seg gjennom dette.

– Ho vil også legge til at vikarjobben som programleiar i Nytt på Nytt ikkje var motivasjonen for varselet.

Prosjektleiar i «Nytt på Nytt», Kjetil Kooyman ønsker Johansen god betring, og er glad for at han har teke vaksinane.

– Og så blir det stas å få Sigrid på besøk igjen.

Denne vekas episode kan du sjå på NRK1 klokka 21.10, eller når du sjølv ønsker på NRKTV etter at episoden er ute.