Politisk teiknar i VG, Roar Hagen seier, i eit intervju i Radioselskapet på NRK P2 i dag, at angrepet på kollega Kurt Westergaard 1. januar har kasta ein skugge over yrket som karikaturteiknar, og skapt eit nytt reelt alvor.
- LES ÒG:
- LES ÒG:
- LES ÒG:
- Ei teikning kan nær sagt setje verda i brann. Det vi gjer har fått eit heilt anna alvor. Ein må vite kva ein gjer, slik at ein ikkje uforvarande dummar seg ut. Dersom ein skal teikne profeten må ein vite kva ein gjer, seier Roar Hagen.
Trass i at Hagen seier at ein som avisteiknar sjølvsagt vil ha merksemd om innhaldet i det ein gjer, misunner på ingen måte merksemda Westergaard har fått med sin karikatur av Muhammed.
– Det er utruleg belastande, han må leve med beskyttelse og kan aldri vite når ein eller annan galning prøver å ta livet av han att. Han er truleg fanga i dette for resten av livet, trur Hagen.
Forsvarer publisering
Den kunstnariske kvaliteten på Westergaard sine teikningar er ikkje Hagen så imponert over, men han ser at innhaldet i teikningane har enorm kraft som ein katalysator. Konflikten om kva som er politikk, og kva som er sekulært og religiøst, vart spissa med publiseringa av teikningane, meiner Roar Hagen.
Han tykkjer konsekvensane av teikningane er både skremmande og overraskande.
Dei siste dagane har tidsskriftet Minerva, Bergens Tidende, og nettversjonen av Dagbladet, og i dag også Aftenposten publisert ein faksimile av Muhammed-teikningane.
- LES ÒG:
VG har sagt at dei på eit prinsipielt grunnlag ikkje vil trykkje Muhammed-karikaturane, og Hagen respekterer det, trass i at han sjølv har ei anna oppfatning.
- Personleg ville eg ha ynskt at dei hadde trykt karikaturane med ein gong, seier Roar Hagen.