I førre sesong av Autofil fekk Jan Erik hjelp til å
. Denne sesongen er det ei boble som fekk pussehjelp.Denne bobla starta som ein kabriolet som hadde ein del rust, den var rett og slett ikkje i topp stand.
Svensken blir norsk
Det første Jan Erik måtte gjere var å reise til Sverige for å kjøpe bobla, så var det å få den svenske bilen inn i landet.
Etter at bobla er trygt innanfor grensa må den bli godkjent, og ein nervøs Jan Erik tok bilen med til biltilsynet. Vil den 35 år gamle bilen bli godkjent?
Heldigvis blir den det, no er svensken blitt norsk.
Det er mange idear som boblar rundt i hovudet til Jan Erik, og det neste er å sjekke om det er mogeleg å realisere alle desse planane, og då treng han hjelp.
Mykje rust
Det er ikkje alt som er like lett å sjå med ein gong ein kjøper ein bil, som for eksempel rust. Jan Erik blir ganske fortvila når han merker at bobla er full av rust. Har han kjøpt katta i sekken?
Men heldigvis får dei vekk rusten, og draumen kan bli realisert. Og denne draumen er at piknikbilen skal bli lyseblå, slik som himmelen er ein vakker sommardag. Den skal bli lakkert med ei vakker eng med blomar, den skal få nytt interiør og den skal få moderne teknologi.
Herleg lakkering
Etter at bilen er blitt lakkert i ein nydeleg himmelblå farge skal den bli endå meir nydeleg, den skal bli meir som Jan Erik har tenkt det, den skal sjå ut som ei eng.
Og då treng Jan Erik meir hjelp, god hjelp. Ivar Åsland er mannen, han får i oppdrag av Jan Erik å lakkere blomar og anna naturmotiv på bilen, ein jobb som blir heilt fantastisk gjort.
Interiøret må på plass
Heile tida finn Jan Erik nye små element i lakkeringa. Ei lita bie her og ei lita bie der. Men det er meir som skal til, interiøret som var i bilen då Jan Erik kjøpte den var ikkje mykje å skryte av, men no skal det bli ei forandring her og.
Og som vanleg får Jan Erik den beste hjelpa til å fikse dette. Magne Engebråten hjalp Jan Erik då han fiksa opp draumebåten sin i førre sesong, no skal mannen få hjelpe han med draumebilen.
No er det ikkje lenge igjen før denne sesongen av Autofil er over. Det vil seie at Autofil-bobla begynner å bli ferdig, eller?
Nesten ferdig
Det er framleis eit par ting som står igjen før Jan Erik er 100 % fornøgd, som å få eit deksel til å ha camingutstyret i og få moderne teknologi i bilen.
Det er båtbyggar Odd Bjørn Jørgensen som får i oppdrag å lage boksen som skal gøyme blant anna campingstolar, bord, eingongsgrill og parasoll.
Teknologien er det Ketil Haugen Skei som skal ta seg av, og her er det ikkje småtteri det er snakk om. Her blir det fjernsyn og alt som skal til for at bilen er i topp stand.
Romantisk nok?
Då er dagen her, dagen Jan Erik og alle andre har venta på så alt for lenge. Bobla er ferdig!
Men det er framleis ein ting som står igjen. Er piknikbobla romatisk nok?
Jan Erik tek med seg kona på ein romantisk kjøretur, dei et i ei eng ved sjøen og dei kjører rundt med eit stort smil om munnen, alt er som det skal.
Jan Erik konkluderar med at dette nok er den mest romantiske piknikbobla i verda!