Aftenposten sin Facebook-kritikk får internasjonal merksemd

Store medieaktørar som CNN, Financial Times og The Guardian formidlar vidare Aftenposten sitt ope brev til Facebook-grunnleggar Mark Zuckerberg, etter at Facebook har fjerna fleire innlegg med bildet av napalmjenta frå Vietnamkrigen.

Skjermdump av CNNs dekning og intervju med Aftenpostens sjefredaktør Espen Egil Hansen
Foto: Skjermdump fra CNN/http://money.cnn.com/2016/09/09/technology/facebook-censorship-vietnam-war-photo/

I dag har Aftenposten brukt heile framsida på kritikk mot at Facebook gjentekne gongar har fjerna Nick Ut sitt ikoniske bilde frå Vietnamkrigen. Grunnen til at bildet har blitt fjerna er at nettsamfunnet ikkje godtek bilde av nakne personar. Sjefredaktør i Aftenposten, Espen Egil Hansen, åtvarar mot den makta Facebook no har fått.

Fleire kastar seg på

Espen Egil Hansen

Sjefredaktør Espen Egil Hansen i Aftenposten har fått mykje merksemd for det opne brevet han har sendt til Mark Zuckerberg.

Foto: Junge, Heiko / NTB scanpix

No får kritikken internasjonal merksemd. The Guardian og Time var tidleg ute med å formidle vidare kritikken. Og stadig fleire utanlandske medium har plukka opp saka. Både BuzzFeed, Deutche Welle og The Independent er blant dei som har publisert bildet og det opne brevet.

Og etter kvart som det har blitt morgon i USA, har fleire amerikanske medium som USA Today, Washington Post og teknologimagasinet Wired plukka opp saka.

Aftenposten-redaktør Espen Egil Hansen har også blitt intervjua av CNN i dag.

Facebook svarar

Mark Zuckerberg

Mark Zuckerberg og Facebook synest det er vanskeleg å avgjere kva bilde som kan publiserast hos nettgiganten.

Foto: STEPHEN LAM / Reuters

Zuckerberg sjølv har så langt ikkje kommentert saka. Og ingen andre frå Facebook ønsker å stille til intervju, men ein talsperson for skriv følgande til NRK:

– Vi er klar over at dette er eit ikonisk bilde, men det er vanskeleg for oss å tillate eit bilde av eit nakent barn i eitt tilfelle og ikkje i andre. Vi prøver å finne den rette balansen mellom å la folk få uttrykke seg, samtidig som vi sikrar ei trygg og respektfull oppleving i det globale samfunnet vårt. Vi har ikkje alltid perfekte løysingar, men vi prøver heile tida å betre retningslinene våre og korleis vi handhevar dei.

Erna Solberg fikk et ikonisk Vietnam-fotografi sensurert av Facebook. Til NRK sier hun at hun reagerer på at Facebook gjør dette mot et innlegg som var en kritikk av deres sensurpraksis. Nå svarer statsministeren med å legge ut sladdede versjoner av en rekke historiske bilder.

Kulturstrøm

  • Privat høyskole vil kjøpe Deichman

    Høyskolen Kristiania vil legge inn bud på bygningen der Deichmanske hovedbibliotek ligger. Når hovedbiblioteket flytter fra Hammersborg til Bjørvika neste år, blir den gamle bygningen stående tom. Oslo kommune har meldt at de vil legge bygningen ut for salg. Høyskolen har i dag 10.000 studenter, er spredt rundt på åtte ulike adresser i hovedstaden, og venter en dobling av antallet studenter de neste årene. (NTB)

    Deichmanske Bibliotek
    Foto: Håkon Sønderland (CC BY-NC-SA 2.0)
  • Folk flest går på museum

    Mer enn 11 millioner mennesker besøkte norske muséer i 2017. Det viser Kulturrådets museumsstatistikk. Til sammenligning viser statistikk fra Norsk Toppfotball at publikumstallet for Eliteserien i 2017 var på 1, 6 millioner. – Det som får plass i media, gjenspeiler ikke nødvendigvis flertallets fritidsvaner, sier Ole Jakob Furset. Han er leder for museumsseksjonen i Kulturrådet. Museumsstatistikken omfatter i alt 108 muséer, med minst ett fast årsverk.

  • Australia hacka før valet

    Statsminister Morrison seier måndag at ein «sofistikert, statleg aktør» har hacka landets største politiske parti og parlament, kort tid før valet. Det skal gjelde partia Liberal, Labor og Nationals. Ingen land blir nemnd, men media nemner ofte Kina.