«Thelma» blir den norske Oscar-kandidaten

«Thelma» skal kjempe om å bli Oscar-nominert i kategorien «Beste ikkje-engelskspråklege film» i mars.

Thelma

Filmen «Thelma» er plukka ut til å kjempe om å bli nominert i klassa beste framandspråklege film under Oscar-gallaen i mars neste år.

Foto: SF Norge

Den nye filmen til Joachim Trier opna filmfestivalen i Haugesund i år, men har først kinopremiere 15. september. Filmen fekk strålande kritikkar då han blei vist i Haugesund.

Filmen er ein thriller som handlar om ei ung kvinne som flyttar frå eit kristent miljø på Vestlandet for å studere i Oslo. Der blir ho forelska i ei anna kvinne, og då oppdagar at ho har uforklarlege krefter.

– Filmen handlar om det å bli vaksen. Vi har brukt verkemiddel frå skrekkfilm og thriller-sjangeren for å skildre den indre kampen ho kjenner på i lausrivinga frå familien sin, sa Joachim Trier på pressekonferansen.

Joachim Trier og Elie Harboe, Thelma

Joachim Trier lovprisar Eili Harboe, som spelar hovudrolla i «Thelma».

Foto: Tore Meek / NTB scanpix

Blir vist i USA

«Thelma» har fått amerikansk distributør, og skal ha premiere i USA 10. november. Men før det skal filmen visast på fleire filmfestivalar. Filmfestivalen i Toronto, som startar til helga, og New York Film Festival, som blir arrangert 28. september til 15 oktober, er blant festivalane som har plukka opp filmen.

Produsent Thomas Robsam trur det at filmen skal visast på amerikanske festivalar og på kino i USA er ein fordel for å få filmen nominert.

– Det gjer at dei som sit i juryen som skal stemme fram dei nominerte, og den endelege vinnaren, kanskje kjenner filmen betre enn nokre av dei filmane vi skal konkurrere mot.

For Robsam og Trier startar no arbeidet med å få «Thelma» inn på den endelege lista over dei som skal konkurrere om Oscar-statuetten 4. mars neste år. Joachim Trier seier han allereie har over hundre intervjuavtalar i USA dei komande vekene.

Kon-Tiki

Filmen «Kon-Tiki» frå 2012 er den siste norske filmen som blei nominert i kategorien «Beste ikkje-engelskspråklege film». Sidan 1957 er det fem norske filmar som har vore nominert i denne klassen.

Foto: Nordisk Film Distribusjon AS

Lang veg fram

Kampen om å kome på den endelege nominasjonslista til Oscar-utdelinga er hard. Dei siste åra har det vore over 80 påmelde filmar i kategorien «Beste ikkje-engelskspråklege film». Det er eit krav om at alle som skal stemme i denne kategorien, må ha sett filmane på kino eller på spesialvisningar som blir arrangert for jurymedlemmane.

Om lag ei veke før dei endelege Oscar- nominasjonane blir offentleggjort 23. januar, blir det laga ei kortliste over dei ni filmane som har fått flest stemme. Deretter er det ein mindre jury som skal sjå alle dei ni filmane og stemme fram dei fem som blir dei endeleg nominerte.

I fjor var «Kongens nei» på kortlista, men nådde ikkje opp i konkurransen om å bli nominert. I alt har fem norske filmar vore nominerte i klassen. Siste gong det skjedde var i 2012 med «Kon-Tiki» av Espen Sandberg og Joachim Rønning.

Kulturstrøm

  • Jazzgitarist Eivind Aarset tildelt Buddy-prisen

    Buddy-prisen er norsk jazz’ høyeste utmerkelse. «Han har i høy grad bidratt til at jazzen som kunstform har utviklet seg i sin egen samtid», sier Norsk jazzforum i sin begrunnelse.

    Magasinet Jazztime hadde Aarset på sin topp30-liste over verdens beste jazzalbum 2021, for «Phantasmagoria, or A Different Kind of Journey»

    Hør Aarset snakke om albumet i Jazzklubben på NRK P2

    Aarset startet med å bli inspirert av Jimi Hendrix og Miles Davis, og har selv spilt med stjerner som David Sylvain ,Sly & Robbie, Anne Grete Preus, Nils Petter Molvær, Arve Henriksen og Jan Bang.

    Gitarist Eivind Aarset tildelt Buddy-prisen 2021
    Foto: Nabeeh Samaan
  • «Baby Shark» med historisk YouTube-milepæl

    Det koreanske barne-TV-innslaget med en sang om haier, er første YouTube-video med over 10 milliarder visninger, ifølge GuinnesWorldRecords.

    Videoen dukket opp i 2016 og ble kjapt en internasjonal hit – og landeplage for småbarnsforeldre.