Stian Thorbjørnsen er mannen bak bandet «Staysman og Lazz», og realitydeltakar kjent frå «Paradise Hotel» og «Skal vi danse».
Men visste du at han hadde ei fortid i Forsvaret?
I ein ny episode av «Dama til» kjem det fram at Thorbjørnsen kjempa i Afghanistan mot Taliban. Artisten fortel Live Nelvik om tapet av ein kompis:
– Ein får det kanskje litt for tett på kroppen. Eg merka det hatet eg følte rett etter at det skjedde. Hadde vi fått tak i dei som gjorde det, så trur eg ikkje nokon av oss hadde nølt så veldig med å ta dei.
– Då tenkte eg slik: Herregud, eg har mista EIN ven. Tenk på dei som har mista 30.
– Har vore med på å fange nokon
«Staysman» var med i Forsvaret i fem år, frå han var 18 år gammal. Han meiner erfaringane har vore med på å forme han til den han er i dag.
– Eg har vore med på å fange nokon. Det er heilt sjukt, seier 33-åringen.
I programserien får Nelvik prøve seg som dama til ei rekkje kjente menn. I samband med at «Staysman» var med, spelte ho i musikkvideoen «En godt stekt pizza», som inneheld intime scener.
– Eg er veldig imponert over henne, sa «Staysman» då.
Live Nelvik forklarte innhoppet slik:
– Eg ville ikkje verke sjølvhøgtideleg, og difor sa eg ja til å vere med.
LES:
