Den meksikanske innspelingsspeidaren Carlos Muñoz Portal blei funnen i eit avsidesliggande grusveg like ved grensa til delstaten Hidalgo måndag. Hidalgo er kjent for å ha den høgaste drapsraten i Mexico. I juli blei det rapportert om 182 drapssaker i staten, noko som gir 12,2 drap per 100.000 innbyggarar, skriv Variety.
Netflix har stadfesta dødsfallet, og har sendt kondolansar til familien. Men dei seier også at det er uklart kva som har skjedd, og at styresmaktene framleis etterforskar drapet. Ifølge rapportar skal etterforskinga vere vanskeleg fordi politiet har få spor å gå etter, og få vitne som har meldt seg.
- Les:
Meksikanske narkokartell
Carlos Muñoz Portal var på oppdrag for å finne nye innspelingsstader til den fjerde sesongen av Netflix-serien «Narcos», som handlar om narkokartell i Sør-Amerika. Dei førre sesongane har handla om Pablo Escobar og Cali-kartellet i Colombia. Men i den fjerde sesongen skal handlinga etter planen flyttast til Mexico for å handle om Juarez-kartellet.
- Les:
- Les:
Det blir no spekulert i om drapet kan føre til at produksjonsselskapet flyttar innspelinga av den neste sesongen ut av Mexico. I så fall kan det vere eit alternativ å filme i Colombia i staden. Det vil i så fall føre til at fleire hundre meksikanske filmarbeidarar mister jobben.
Carlos Muñoz Portal har vore mykje brukt av amerikanske filmselskap dei siste ti åra. Han har blant anna arbeidd med å finne innspelingsstader for filmar som Mel Gibson-filmen «Apocalypto», actionfilmen «Fast & Furious» og James Bond-filmen «Spectre».